ມື້ນີ້ ເມືອງໄຊທານີ, ໄຊເສດຖາ ແລະ ຈັນທະບູລີ ນ້ຳປະປາອາດບໍ່ມາເປັນປົກກະຕິ 6 ຊົ່ວໂມງ

680

ຕາມການແຈ້ງການຂອງນ້ຳປະປານະຄອນຫຼວງວຽງຈັນ ໃນວັນທີ 27 ພະຈິກ 2019 ວ່າ: ການສະໜອງນ້ຳປະປາບໍ່ພຽງພໍໃນບາງເຂດ 3 ເມືອງຄື: ເມືອງໄຊທານີ, ໄຊເສດຖາ ແລະ ຈັນທະບູລີ ເນື່ອງຈາກແຮງດັນນ້ຳຈະບໍ່ປົກກະຕິ ແລະ ພຽງພໍຕໍ່ການຊົມໃຊ້ ໃນໄລຍະມີການມອດໄຟຟ້າ ເພື່ອເຮັດວຽກເຊື່ອມຕໍ່ໝໍ້ແປງໄຟຟ້າທີ່ຕິດຕັ້ງໃໝ່ເຂົ້າລະບົບໄຟຟ້າຂະໜາດ 630 ກິໂລໂວນ  ທີ່ສະຖານີສູບນ້ຳທ່າງ່ອນ ເມືອງໄຊທານີ ເຊິ່ງສົ່ງຜົນໃຫ້ໂຮງງານຜະລິດນ້ຳປະປາດົງໝາກຄາຍ ບໍ່ສາມາດທຳການຜະລິດນ້ຳປະປາໄດ້ເຕັມສ່ວນ.

ເຊິ່ງແຮງດັນນ້ຳປະປາຈະບໍ່ເປັນກະຕິ ໃນວັນທີ 28 ພະຈິກ 2019 ເລີ່ມແຕ່ເວລາ 10:00 ໂມງ ຫາ 15:00​ ໂມງ.