ພວຕ ນະຄອນຫຼວງ ສຳເລັດການຝຶກອົບຮົມ​ຂ່າວສານ​ ແລະ​ ປະຊາສຳພັນ

351

ໃນລະຫວ່າງວັນທີ 19-20 ພະຈິກ 2019, ພະແນກວິທະຍາສາດ ແລະ ເຕັກໂນໂລຊີ (ພວຕ) ນະຄອນ ຫຼວງວຽງຈັນ ສົມທົບກັບ ຫ້ອງການ ກະຊວງວິທະຍາສາດ ແລະ ເຕັກໂນໂລຊີ (ກວຕ) ສໍາເລັດການຝຶກອົບຮົມການຂຽນບົດ-ຂຽນຂ່າວ ໃຫ້ແກ່​ພະນັກງານພາຍໃນ ພວຕ ນະຄອນຫຼວງວຽງຈັນ

ຊຶ່ງໄດ້ຮັບກຽດເຂົ້າຮ່ວມເປັນຄະນະປະທານກ່າວປິດຊຸດຝຶກອົບຮົມຄັ້ງນີ້ໂດຍ ທ່ານ ພຸດທະສັກ ວິຈິດຕຣາ, ຫົວໜ້າຫ້ອງການ ກວຕ ແລະ ທ່ານ ທະວີໄຊ ເໝົາຊົມພູ, ຫົວໜ້າ ພວຕ ນະຄອນຫຼວງວຽງຈັນ. 

ຈຸດປະສົງຂອງການຝຶກອົບຮົມດັ່ງກ່າວ ກໍເພື່ອເຮັດໃຫ້ການເຜີຍແຜ່ຂ່າວສານ ໃນຂະແໜງວິທະຍາສາດ ແລະ ເຕັກໂນໂລຊີ ອອກສູ່ສັງຄົມມີເນື້ອໃນຄົບຖ້ວນ, ຖືກຕ້ອງຕາມຫຼັກວິຊາການຂອງວຽກງານຂ່າວສານ ແລະ ປະຊາສຳພັນ, ສາມາດເຜີຍແຜ່ຂໍ້ມູນຂ່າວສານອອກສູ່ສັງຄົມໄດ້ຢ່າງມີປະສິດທິພາບ ແລະ ທັນເຫດການ. 

ໃນການຝຶກອົບຮົມຄັ້ງນີ້,​ ຜູ້ເຂົ້າຮ່ວມໄດ້ຮຽນຮູ້ຂັ້ນຕອນການຂຽນຂ່າວ, ອາຊີບນັກຂ່າວ, ຈັນຍາບັນຂອງນັກຂ່າວ, ບົດບາດຂອງສື່ມວນຊົນລາວ, ການສັງລວມຂໍ້ມູນ ກ່ອນຈະຂຽນຂ່າວ ແລະ ອື່ນໆ.​ ການຝຶກອົບຮົບດັ່ງກ່າວໄດ້ຈັດຂຶ້ນເປັນເວລາສອງວັນ,​ ຊຶ່ງມີນັກສຳມະນາກອນຈາກ ພວຕ ນະຄອນຫຼວງວຽງຈັນ ເຂົ້າຮ່ວມຈຳນວນ 25 ທ່ານ, ຍິງ 10 ທ່ານ.​

ພາບ ແລະ ຂ່າວ: ນ. ທັດສະນີ ພົງບັນດິດ