ປີນີ້ລະດູຝົນສັ້ນກວ່າ 5 ອາທິດພາໃຫ້ນໍ້າຂອງໜ້ອຍ

424

ຕາມ​ຂ່າວ​ ຫວຽດນາມ(VOVWORLD),​ເມື່ອ​ບໍ່​ດົນ​ມາ​ນີ້, ຫຼາຍ​ປະ​ເທດ ​ໃນ​ລຸ່ມ​ແມ່ນ້ຳຂອງ ລວມມີ: ກໍາປູເຈຍ, ລາວ, ໄທ ແລະ ຫວຽດນາມ ຈະຕ້ອງພົບກັບ ສະພາບໄພແຫ້ງແລ້ງ ອາດຈະເກີດຂຶ້ນ ຢ່າງຮຸນ​ແຮງ ຈົນຮອດເດືອນ ມັງກອນ ປີ 2020 ສົ່ງຜົນສະທ້ອນທີ່ບໍ່ດີ ຕໍ່ການເຄື່ອນໄຫວ

ການຜະລິດກະສິກໍາ ແລະ ການດໍາລົງຊີວິດຂອງ​ປະຊາກອນ​ ລຸ່ມ​ແມ່ນ້ຳຂອງ ​ເນື່ອງ​ຈາກ ກະແສນໍ້າໃນແມ່ນໍ້າຂອງ ພວມຢູ່ໃນລະດັບຕໍ່າທີ່ສຸດ ໃນຮອບເວລາ 60 ປີ ຜ່ານມາ. ສາຍເຫດແມ່ນຍ້ອນລະດູຝົນປີນີ້ ສັ້ນກວ່າ 5 ອາທິດເມື່ອທຽບໃສ່ທຸກໆປີ, ບວກກັບປະກົດການປ່ຽນ​ແປງ​ດິນ​ຟ້າ​ອາກາດ( El Nino) ໄດ້ເຮັດໃຫ້ ອຸນຫະພູມສູງ ຜິດປົກກະຕິ ອັນໄດ້ພາໄປເຖິງ ສະພາບນໍ້າ ລະເຫີຍອາຍຢ່າງວ່ອງໄວ.

ຢ່າງໃດກໍ່ຕາມ ນອກຈາກກະທົບການຜະລິດແລ້ວ ຫຼາຍທ້ອງຖິ່ນອາດຈະກະທົບຕໍ່ລະບົບສາທາລະນຸໂພກ ໂດຍສະເພາະ ການສະນອງນໍ້າປະປາ ເພາະບາງເຂດແມ່ນນໍາໃຊ້ນໍ້າຂອງມາເພື່ອຜະລິດນໍ້າປະປາ ກໍ່ຮຽກຮ້ອງເຈົ້າໜ້າ ທີ່ກ່ຽວຂ້ອງຊ່ວຍລົງຕິດຕາມກວດກາເປັນປະຈໍາ ຖ້າເຫັນວ່າລະດັບນໍ້າຕື້ນເຂີນ ກໍ່ຕ້ອງຫາວິທີຮັບມືລ່ວງໜ້າ ເພື່ອຮັບປະກັນສະນອງນໍ້າປະປາໃຫ້ເປັນປົກະຕິ.

ຂໍ້ມູນ: ຂປລ