ຄາດຕະກຳສຸດໂຫດ! ດັບ 3 ຊີວິດຄາເຮືອນ

388

ໃນວັນທີ 21 ພະຈິກ 2019 ລາຍງານຈາກມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ສາຂາ ແຂວງຈຳປາສັກວ່າ: ເວລາ 13:10 ນາທີ ໄດ້ຮັບແຈ້ງເຫດ ຜ່ານເບິໂທ 1623ວ່າ  ເກີດເຫດຄາດຕະກຳ ຄອບຄົວ ພໍ່ແມ່-ລູກ ເສຍຊີວິດ 3 ຄົນ
ທີ່ບ້ານຄອນໄຫລ ນະຄອນປາກເຊ ແຂວງຈຳປາສັກ.

ພໍໜ່ວຍກູ້ໄພມູນນິທິ ຮອດຈຸດເກີດເຫດພົບຜູ້ເສຍຊີວິດຈຳນວນ 03 ຄົນ ເພດຍິງ 2 ຊາຍ 1. ໃນນັ້ນມີຊາຍ ອາຍຸ 60 ປີ ອາຊີບ ນາຍບ້ານ ປັດຈຸບັນຢູ່ບ້ານ ຄອນໄຫລ ນະຄອນປາກເຊ ແຂວງຈຳປາສັກ, ອາການເບື້ອງຕົ້ນ ມີຂອງແຂງກະທົບຫົວຢ່າງຮຸນແຮງ ພົບເສຍຊີວິດຄາທີ່.


ຄົນທີ 2 ເພດຍິງ ອາຍຸ 58 ປີ ອາຊີບ ປະຊາຊົນ ປັດຈຸບັນຢູ່ບ້ານຄອນໄຫລ ນະຄອນປາກເຊ ແຂວງຈຳປາສັກ, ອາການເບື້ອງຕົ້ນ ມີຂອງແຂງກະທົບຫົວ ເສຍຊີວິດຄາທີ່ ແລະ ຄົນທີ 3 ເພດຍິງ ອາຍຸ25ປີ ອາຊີບ ປະຊາຊົນ ບ້ານຄອນໄຫລ ນະຄອນປາກເຊ
ອາການເບື້ອງຕົ້ນ ມີຂອງແຂວງກະທົບຫົວ ເສຍຊີວິດຄາທີ່.

ສ່ວນຄົນຮ້າຍ ທີ່ຄາດຕະກຳ 3 ຊີວິດ. ປັດຈຸບັນເຈົ້!ໜ້າທີ່ຕຳຫຼວດຈັບຕົວໄດ້ແລ້ວ. ສຳລັບສາເຫດ ແລະ ແຮງຈູງໃຈແມ່ນຢູ່ໃນຂັ້ນຕອນການສືບສວນ-ສອບສວນ ຂອງເຈົ້າໜ້າທີ່ຕຳຫຼວດ.


ສ່ວນສົບຜູ້ຊີວິດ ແມ່ນທາງໜ່ວຍກູ້ໄພມູນ ໄດ້ມ້ຽນຄາບສົບ ເພື່ອໃຫ້ພີ່ນ້ອງເຮັດພິທີທາງສາສະໜາ. ທີມງານທິມຂ່າວ ຂໍສະແດງຄວາມເສຍໃຈນຳຄອບຄົວຜູ້ເສຍຊີວິດໃນຄັ້ງນີ້ດ້ວຍ.