ໄຟຟ້າຫົງສາ ຢຸດການເດີນເຄື່ອງເປັນການຊົ່ວຄາວ ພ້ອມກວດສອບຄວາມເສຍຫາຍ ຄາດໃຊ້ເວລາ 24 ຊົ່ວໂມ

725

ບໍລິສັດ ໄຟຟ້າ ຫົງສາ ຈຳກັດ ອອກແຈ້ງການ ເວລາ 11:30 ໂມງ ວັນທີ 21 ພະຈິກ 2019 ລາຍງານເກີດເຫດແຜ່ນດິນໄຫວ ທີ່ປະເທດລາວ ໃນເວລາ 4:3 ໂມງ ຂອງວັນທີ 21 ພະຈິກ 2019 ຕາມເວລາປະເທດໄທ ລະດັບ 5,9 ຣິກເຕີ, ຄວາມເລີກ 5 ກິໂລແມັດ ຫ່າງຈາກໂຮງງານໄຟຟ້າຫົງສາ ໄປທາງທິດໃຕ້ປະມານ 21 ກິໂລແມັດ. ພ້ອມກັບມີອັກເຕີຊອກມາຫຼາຍຄັ້ງ ໃນເວລາ 6:50 ໂມງ ເກີດອັກຕີຊອກ ລະດັບ 6,4 ຣິກເຕີ ຫຼັງຈາກນັ້ນໃນເວລາ 7:33 ໂມງ ເກີດອັກຊອກ ລະດັບ 3,9 ຣິກເຕີ.

ລາຍງານບົບການປ້ອງກັນຄວາມເສຍຫາຍຈາກແຮງສັ່ນສະເທື່ອນຂອງອຸປະກອນຫຼັກໃນໂຮງງານໄຟຟ້າໄດ້ເຮັດວຽກຕາມຂັ້ນຕອນປົກກະຕິ ເພື່ອຢຸດການເດີນເຄື່ອງຂອງໂຮງງານໄຟຟ້າ ເຊິ່ງຄະນະນີ້ ບໍລິສັດໄຟຟ້າ ຫົງສາ ຈຳກັດ ໄດ້ຢຸດການເດີນເຄື່ອງໂຮງງານໄຟຟ້າເປັນການຊົ່ວຄາວ ແລະ ໄດ້ເລີ່ມເຂົ້າໄປກວດສອບຄວາມເສຍຫາຍຂອງໂຮງໄຟຟ້າ, ລະບົບສາຍສົ່ງ, ບໍ່ແຮ່ຖ່ານຫີນ, ບໍ່ແຮ່ຫີນປູນ, ເຂື່ອນນ້ຳເລືອກ ແລະ ເຂື່ອນນ້ຳແກ່ນ ເບື້ອງຕົ້ນຍັງບໍ່ພົບຄວາມເສຍຫາຍຂອງໂຄງສ້າງຫຼັກ, ສິ່ງປຸກສ້າງທີ່ຈຳເປັນໃນການດຳເນີນງານ ແລະ ບໍ່ມີຜູ້ໄດ້ຮັບບາດເຈັບ ພົບເຫັນແຕ່ຄວາມເສຍຫາຍບາງສ່ວນຂອງພື້ນຜີວສິ່ງປຸກສ້າງເຫຼົ່ານັ້ນ ເຊິ່ງບໍລິສັດຄາດວ່າຈະໃຊ້ເວລາປະມານ 24 ຊົ່ວໂມງ ໃນການກວດສອບເບື້ອງຕົ້ນ ແລະ ຈະແຈ້ງຄວາມຄືບໜ້າ ຄວາມເສຍຫາຍຈາກເຫດການດັ່ງກ່າວໃຫ້ຊາບ.