ສົນໃຈຮຽນຕໍ່ຢູ່ຈີນ ພູນຊັບຊ່ວຍທ່ານໄດ້

454

ນ້ອງໆຜູ້ທີ່ມີຄວາມສົນໃຈຢາກໄປຮຽນຕໍ່ທີ່ປະເທດ ຈີນ ແລະ ຫວຽດນາມ ບໍ່ຕ້ອງກັງວົນອີກຕໍ່ໄປຫຼັງລຸ້ນອ້າຍທີ່ຈົບອອກມາ ທີ່ພົບອຸປະສັກ ແລະ ແກ້ໄຂສິ່ງເຫຼົ່ານັ້ນຈົນກາຍເປັນອີກທຸລະກິດໜຶ່ງທີ່ມີທ່າແຮງສູງກໍ່ຄື ບໍລິສັດທີປຶກສາ ຮຽນຕໍ່ພູນຊັບຈໍາກັດຜູ້ດຽວ ໃຫ້ບໍລິການນໍານ້ອງໆໄປຮຽນຕໍ່ຕ່າງປະເທດ.

ພິທີເປີດບໍລິສັດມີຂຶ້ນໃນວັນທີ 18 ພະຈິກ 2019 ທີ່ບ້ານສີວິໄລ ເມືອງໄຊທານິ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ຄໍາປະດິດ ເຂັມມານິດ ເຈົ້າເມືອງໄຊທານີ ມີປະທານບໍລິສັດແຂກທັງພາຍໃນ ແລະ ຕ່າງປະເທດເຂົ້າຮ່ວມ.

ທ່ານ ຄໍາປະດິດ ເຂັມມານິດ ກ່າວວ່າ: ບໍລິສັດທີ່ປຶກສາ ຮຽນຕໍ່ພູນຊັບ ຈໍາກັດຜູ້ດຽວ ເປັນບໍລິສັດທີ່ ຈະມີຄວາມກ້າວໜ້າຂະຫຍາຍໂຕ ເນື່ອງຈາກວ່າເປັນການໃຫ້ບໍລິການທີ່ຕອບໂຈດສັງຄົມ ກໍ່ຄືການຮູ້ນໍາໃຊ້ເອົາທ່າແຮງທີ່ຕົນເອງມີມາບໍລິການໃຫ້ສັງຄົມ ເຊື່ອໝັ້ນວ່າ ບໍລິສັດຈະເປັນການປະກອບສ່ວນໃນການສ້າງບຸກຄະລາກອນຂອງຊາດ, ສ້າງລາຍຮັບມາສູ່ທ້ອງຖິ່ນ ແລະ ຄອບຄົວ.

ທ່ານ ມີນາຄົມ ຈັນທະຈັກ ປະທານບໍລິສັດ ທີ່ປຶກສາ ຮຽນຕໍ່ພູນຊັບຈໍາກັດຜູ້ດຽວໄດ້ກ່າວວ່າ: ກ່ອນໜ້າຈະເປີດບໍລິສັດຢ່າງເປັນທາງການຕົນເອງໄດ້ໃຫ້ບໍລິການແນະນໍາ ແລະ ນໍາພານັກສຶກສາໄປຮຽນຕໍ່ຢູ່ປະເທດຈີນມາແລ້ວ 7ປີ  ເມື່ອເຫັນທ່າແຮງສູງຈຶ່ງເປີດບໍລິສັດໃຫ້ບໍລິການເຕັມຮູບແບບ ເຊິ່ງກາໃຫ້ບໍລິການຫຼັກໆແມ່ນທັງພະນັກງານ, ນ້ອງໆທີ່ຈົບມໍ 7 ຜູ້ທີ່ມີຄວາມສົນໃຈໄປຮຽນຕໍ່ຢູີ່ປະເທດຈີນ, ຫວຽດນາມ ພວກເຮົາຈະຕິດຕໍ່ພົວພັນໃຫ້ໄດ້ເລີຍ.

ທ່ານກ່າວວ່າ: ຄວາມແຕກຕ່າງລະຫວ່າງ ນັກສຶກສາໄປເອງ ຈະມີຄວາມຫຍຸ້ງຍາກໃນການພົວພັນ, ການໄປ – ມາ, ການຕິດຕໍ່ອາຈານ, ສິ່ງອໍານວຍສະດວກອ້ອມໂຕ, ແຕ່ຖ້າໄປນໍາບໍລິສັດພູນຊັບຈະຕັດບັນຫາເຫຼົ່ານັ້ນອອກໝົດເລີຍ ລວມທັງມີໂອກາດປະສົບຜົນສໍາເລັດສູງກວ່າ ເພາະພວກເຮົາບໍລິການແບບມືອາຊີບ. ສະເລ່ຍແຕ່ລະປີມີນັກຮຽນໄປຜ່ານບໍລິສັດພວກເຮົາ 100ກວ່າຄົນ ພາຍຫຼັງເປີດບໍລິສັດຢ່າງເປັນທາງການຄາດຄະເນມີນັກຮຽນໃຊ້ບໍລິການເພີ່ມຂຶ້ນເປັນ 300 ກວ່າຄົນ.

ນອກຈາກນັ້ນ ພວກເຮົາຍັງໃຫ້ບໍລິການ ສອນພາສາຂັ້ນພື້ນຖານ, ຈອງປີ້ຍົນ, ມີສະຖານທີ່ພັກ, ບໍລິການນໍາທ່ຽວ. ນອກຈາກ ຈີນ – ຫວຽດນາມ ພວກເຮົາສາມາດພົວພັນສະຖານທີ່ຮຽນໃຫ້ໄດ້.

ຂໍ້ມູນຈາກ: ໜັງສືພິມເສດຖະກິດການຄ້າ