ລອງເດົາເບິ່ງລູວ່າ…ເຄືອຂ່າຍມືຖືໃດໃນລາວໄວທີ່ສຸດ

384

ເປັນບາດກ້າວແຫ່ງຄວາມສໍາເລັດອີກຂັ້ນ ເມື່ອບໍລິສັດ Ookla® ຢັ້ງຢືນວ່າ ຢູນີເທວ(Unitel) ເປັນຜູ່ໃຫ້ບໍລິການເຄືອຂ່າຍມືຖືທີ່ມີຄວາມໄວທີ່ສຸດ ຢູສປປ ລາວໃນໄຕມາດ 2 ແລະ ໄຕມາດ 3 ປີ 2019 ນີ້ ໂດຍ Ookla® ອ້າງອີງຜົນໃນການທົດລອງດາວໂຫລດ ແລະ ອັບໂຫລດຄວາມໄວອິນເຕີເນັດຄະແນນລວມ ແມ່ນ 32.62 ອີງໃສ່ຜົນການທົດ ລອງສັນຍານອິນເຕີເນັດມືຖື ໃນສອງໄຕມາດນີ້. ປັດຈຸບັນຢູນີເທວ ສາມາດຄອງຕະຫລາດໄດ້ໃນຂອບເຂດທົ່ວປະເທດ.

ເມື່ອບໍ່ດົນມານີ້ SpeedTest ໄດ້ໃຫ້ຮູ້ວ່າ: ຢູນີເທວ ເປັນເຄືອຂ່າຍທຳອິດຢູ່ລາວ ທີ່ໄດ້ຮັບການຢັ້ງຢືນນີ້ ໂດຍຂັ້ນຕອນໃນການຕີລາຄາ ແລະ ສັງລວມຜົນ ຂອງບັນດາເຄືອຂ່າຍຢູ່ລາວ ທາງ SpeedTest ໄດ້ດຳເນີນການຢ່າງເປັນເອກະລາດ, ເປັນກາງ ແລະ ບໍ່ມີຂໍ້ມູນແຈ້ງກ່ອນໃຫ້ກັບບັນດາຜູ້ໃຫ້ສະໜອງບໍລິການອີນເຕີເນັດ ມືຖືແຕ່ຢ່າງໃດ. ອີງຕາມຂໍ້ມູນທີ່ SpeedTest ວັດແທກໄດ້, ເຄືອຂ່າຍຢູນີເທວ ນອນຢູ່ໃນລຳດັບທີ່ໜື່ງດ້ານຄວາມໄວ.

ຕາມຂໍ້ມູນຂອງ SpeedTest ໃຫ້ເຫັນວ່າ: ເຄືອຂ່າຍ ຢູນີເທວ ບັນລຸສະເລ່ຍ download/upload ແມ່ນ 35,43 Mbps/17.30 Mbps, ທຽບເທົ່າກັບ 32,62 ຄະແນນ (ຕາມມາດຕະຖານຂອງ ບໍລິສັດ ດັ່ງກ່າວກຳນົດ) ພິເສດລະດັບການເຊື່ອມຕໍ່ອີນເຕີເນັດ ( latency ) ແມ່ນດີຫລາຍສະເລ່ຍ 32,5 ms ເຊິ່ງສາມາດຫລິ້ນເກມອອນລາຍ, ແບ່ງປັນວີດີໂອ, live stream ບົນພື້ນຖານມືຖື ທີ່ຕ້ອງການຄວາມໄວສູງ ແລະ ສະໝໍ່າສະເໝີ.

ກ່ອນທີ່ SpeedTest ມອບການຢັ້ງຢືນ “ ເຄືອຂ່າຍມືຖື ທີ່ໄວທີ່ສຸດໃນລາວ” ຢູນີເທວເປັນເຄືອຂ່າຍ ມີພື້ນຖານໂຄງລ່າງ 3G/4G/4.5G ກ້ວາງຂວາງທີ່ສຸດ ດ້ວຍ 8.000 ສູນສະຖານີ, ສະໜອງອິນເຕີເນັດມືຖື ເຖີງເຂດຊົນນະບົດ , ເຂດຫ່າງໄກສອກຫລີກ. ໃນນັ້ນ, ເຄືອຂ່າຍ 4ຈີ ໄດ້ເປີດນຳໃຊ້ນັບແຕ່ເດືອນ ກຸມພາ 2015 ສັນຍານປົກຄຸມໄດ້ເຖິງ 96% ຂອງຈຳນວນພົນລະເມືອງທີ່ຢູ່ເຂດເທດສະບານແຂວງ, 92% ເຂດເທດສະບານເມືອງ. ປັດຈຸບັນທີ່ 148/148 (100 %) ເຂດເທດສະບານເມືອງ ທີ່ໄດ້ສະໜອງສັນຍານ LTE 4.5G ເຊິ່ງລະບົບດັ່ງກ່າວສາມາດເພີ່ມຄວາມໄວໃນການດາວໂຫລດ ທົບ 2 ເທົ່າທຽບໃສ່ກັບ ລະບົບ 4G ທົ່ວໄປ. ໃນເດືອນ ຕຸລາ 2019 ຜ່ານມາ ຢູນີເທວ ກໍໄດ້ເປີດທົດລອງການນຳໃຊ້ 5G ຢູ່ນະຄອນຫລວງວຽງຈັນແລ້ວ.

ຕາມຂໍ້ມູນຂອງເຄືອຂ່າຍຢູນີເທວໄດ້ໃຫ້ເຫັນວ່າ ມາເຖິງປະຈຸບັນ ເກືອບ 2 ລ້ານລູກຄ້າ ( ສະເພາະເຄືອຂ່າຍ ຢູນີເທວ ) ທີ່ນຳໃຊ້ ດາຕ້າ ອິນເຕີເນັດ. ຂໍ້ມູນດັ່ງກ່າວຍັງບົ່ງຊີ້ໃຫ້ເຫັນເຖິງການເຂົ້າເຖິງດ້ານເທັກໂນໂລຊີໃໝ່ ຂອງລາວເຮົານັບມື້ນັບສູງຂຶ້ນ ແລະ ອິນເຕີເນັດໄດ້ກາຍເປັນປັດໄຈສໍາຄັນທີ່ຂາດບໍ່ໄດ້ໃນການນໍາໃຊ້ໃນຊີວິດປະຈໍາວັນ; ມີປະໂຫຍດ ສ້າງໃຫ້ວຽກງານສື່ສານສະດວກວ່ອງໄວ, ອໍານວຍຜົນດີຕໍ່ການດຳລົງຊີວິດຂອງປະຊາຊົນບໍ່ວ່າຈະຢູ່ເຂດຕົວເມືອງຈົນເຖິງເຂດຊົນນະບົດ, ຊ່ວຍເຮັດໃຫ້ມີໂອກາດ ໃນການຊອກຮູ້ຮ່ຳຮຽນ ແລະ ສ້າງອາຊີບໃຫ້ແກ່ຫລາຍໆຄົນ ນອກນັ້ນ ໄດ້ກາຍເປັນພື້ນຖານ ເພື່ອຈັດຕັ້ງຜັນຂະຫຍາຍຫລາຍໆ ໂຄງ ການ 4.0 ທີ່ສຳຄັນຂອງສັງຄົມ ແລະ ປະເທດຊາດ.

ນອກຈາກ ວຽກງານການພັກດັນ ຍົກສູງດ້ານຄຸນນະພາບບໍລິການ ແລະ ເຂດປົກຄຸມສັນຍານ. ຕະຫລອດໄລຍະ

ເວລາທີ່ຜ່ານມາ ຢູນີເທວໄດ້ອອກແບບບັນດາ ໂປໂມຊັນ ສົ່ງເສີມການນຳໃຊ້ເພື່ອ ເຮັດໃຫ້ລູກຄ້າ ມີໂອກາດໄດ້ເຂົ້າເຖິງບໍລິການຢ່າງງ່າຍດາຍ.ຢູນີເທວ ຍັງມີຫລາກຫລາຍແພັກເກດ ທີ່ມີລາຄາຖືກ ທີ່ມີທັງແບບ ນຳໃຊ້ພາຍໃນ 1 ວັນ , 3 ວັນ, 1 ອາທິດ, 1 ເດືອນ ເຊິ່ງເໝາະສົມກັບການນຳໃຊ້ທຸກເພດທຸກໄວ.

ຂໍ້ມູນ: ຂປລ