ຊົມເຊີຍ..ໄຊບູລີລະດົມເງິນ 300ກວ່າລ້ານ ແປງທາງສຸກເສີນ55Kmເພື່ອອໍານວຍຄວາມສະດວກການສັນຈອນ

307

ໃນວັນທີ 18 ພະຈິກ2019ນີ້,ທາງການນໍາຂັ້ນເມືອງລົງຕິດຕາມ-ກວດກາການສ້ອມແປງເສັ້ນທາງພາຍໃນເມືອງໄຊບູລີ, ນໍາໂດຍ ທ່ານ ອ່ອນລໍາພັນ ບົວສີແກ້ວ ເລຂາພັກເມືອງ ເຈົ້າເມືອງ ໄຊບູລີ ພ້ອມຄະນະ, ໜ່ວຍງານກ່ຽວຂ້ອງ ລົງຕິດຕາມ ກວດກາໂຄງການສ້ອມແປງທາງສຸກເສີນ ພື້ນຟູ ຫຼັງນໍ້າຖ້ວມ ປີ 2019 , ໃນນັ້ນມີ 4 ເສັັ້ນທາງ ທີ່ເປັນບຸລິມະສິດຄື:

ເສັັ້ນທາງທີ່ 1 ເລີ່ມແຕ່ສີ່ແຍກທາງເລກທີ 13 ໃຕ້ຂອງເທດສະບານເມືອງຫາສາມແຍກສົມສະອາດຍາວ 15 Km, ເສັ້ນທາງຈາກບ້ານເວີນຫາຕົ້ນແຫນ ແລະ ຈາກບ້ານເວີນຫາໂພນທັນ, ທ່າດອກຄໍາຍາວ 13 Km, ເສັ້ນທາງນາເຮືອງຫາໜອງຂຽດເຫຼືອງຍາວ 6 Km ແລະເສັ້ນທາງແຕ່ສາມແຍກບ້ານມະນີລາດຫາ ພູໂກ໊ະ ຍາວ 25 Km, ລວມຄວາມຍາວຂອງເສັ້ນທາງທັງໝົດໃນການສ້ອມແມ່ນ 55 Km

ແລະໄດ້ວາງທໍ່ ມີ 4 ຈຸດ, ເຊິ່ງໃນນັ້ນວາງ ທໍ່ພີ 100 ມີ 2 ຈຸດແລະ ທໍ່ ພີ 80 ມີ 2 ຈຸດ, ລວມມູນຄ່າໃນການສ້ອມແປງທັງໝົດ 314.406.000 ກີບ, ທຶນດັ່ງກ່າວນີ້ ແມ່ນສົບທົບລະຫວ່າງ ລັດ ແລະປະຊາຊົນ, ໃນການສ້ອມແປງນີ້ ແມ່ນໄດ້ນໍາດິນມາຖົມໃສ່ບ່ອນທີ່ເປັນຂຸມແລະວາງທໍ່ລະບາຍນໍາໃສ່ບ່ອນທີ່ເປັນພື້ນທີ່ຕໍ່າ, ທັງນີ້ກໍ່ເພື່ອໃຫ້ເສັ້ນທາງດັ່ງກ່າວ ສະດວກສະບາຍໃນການສັນຈອນໄປມາຫາສູ່, ແລກປ່ຽນສິນຄ້າລະຫວ່າງບ້ານຕໍ່ບ້ານ ແລະມີຄວາມຈົບງາມ

ຫຼຸດຜ່ອນ ແລະຫຼິກລ້ຽງອຸບັດຕິເຫດ ແລະໄດ້ນໍາໃຊ້ເສັ້ນທາງຢ່າງຍາວນານ ທັງນີ້ກໍ່ເພື່ອເປັນການສ້າງຂະບວນການຂັບນັບຮັບຕ້ອນກອງປະຊຸມໃຫຍ່ຄັ້ງທີ IX ຂອງແຂວງ ທີ່ຈະໄຂຂື້ນໃນໝໍ່ໆນີ້້ , ພ້ອມດຽວກັນນັ້ນ ທ່ານຍັງໄດ້ລົງຕິດຕາມສໍາຫຼວດ ພື້ນທີ່ໃນການປຸກສ້າງ ບ່ອນພັກເຊົາພະນັກງານວິຊາການ ຢູ່ທີ່ບ້ານດ່ານປາກເຊບັ້ງໄຟ ເພື່ອເປັນການກະກຽມໃສ່ງານທ່ອງທ່ຽວປະຈໍາປີ ຂອງເດືອນສາມເພັງທີ່ດ່ານປາກເຊບັ້ງໄຟ,ທີ່ຈະມາຮອດນີ້ແລະ ສໍາຫຼວດບ່ອນທີ່ຈະສ້າງຕະຫຼາດນັດຊຸມຊົນ ກຸ່ມປາກເຊບັ້ງໄຟຕື່ມອີກ
ນັກຂ່າວ: ເມືອງໄຊບູລີ

ຂໍ້ມູນ ວິທະຍຸກະຈາຍສຽງແຂວງສະຫວັນນະເຂດ.

ຮູບລົດເກດ ແລະ ລົດໂລແມ່ນຮູບປະກອບບໍ່ກ່ຽວຂ້ອງກັບບົດ