ແຂ່ງຂັນກິລາດອກປີກໄກ່ ຊີງຂັນຮອງປະທານສະພາປະຊາຊົນແຂວງຫຼວງພະບາງ

287

ການແຂ່ງຂັນກິລາມິດຕະພາບຕີດອກປີກໄກ່ຊີງຂັນຮອງປະທານສະພາປະຊາຊົນ ແຂວງຫຼວງພະບາງ ເພື່ອສ້າງຂະບວນການຕ້ອນຮັບກອງປະຊຸມໃຫ່ຍຄັ້ງທີ່ 9 ຂອງອົງຄະນະພັກ ເມືອງໂພນໄຊ ທີ່ຈະມາເຖີງໃນມໍ່ໆນີ້,ໄດ້ຈັດຂື້ນໃນຕອນແລງຂອງວັນທີ 13 ພະຈີກ 2019 ນີ້,ທີ່ເດີ່ນຮົ່ມຫ້ອງວ່າການປົກຄອງເມືອງໂພນໄຊ,ໂດຍການເຂົ້າຮ່ວມຂອງທ່ານ ສິງຕັນ ໄຊລືຊົ່ງ ຄະນະປະຈໍາພັກແຂວງ,ຮອງປະທານສະພາປະຊາຊົນແຂວງຫຼວງພະບາງ,ຜູ້ຊີ້ນໍາການກະກຽມກອງປະຊຸມໃຫ່ຍຂອງເມືອງໂພນໄຊ,ທ່ານ ສີຈັນ ລັດສະໜີ ເຈົ້າເມືອງໂພນໄຊ,ພ້ອມດ້ວຍທີມງານຂອງແຂວງ,ຮອງເຈົ້າເມືອງ,ສະມາຊີກສະພາປະຊາຊົນແຂວງຫຼວງພະບາງປະຈໍາເະມືອງໂພນໄຊ,ຕະຫຼອດຮອດນັກກີລາການນໍາຂອງເມືອງ,ຫ້ອງການ,ກົມກອງຂອງເມືອງເຂົ້າຮ່ວມ.

ການແຂ່ງຂັນກີລາດອກປີກໄກ່ຄັ້ງນີ້ໄດ້ແບ່ງອອກເປັນ 8 ທີມຄື ທີມຂອງແຂວງມີ 1 ທີມ,ທີມຂອງເມືອງມີ 7 ທີມ,ຜ່ານການແຂ່ງຂັນເຫັນວ່າມີບັນຍາກາດອັນຟົດຟື້ນເບີກບານມ່ວນຊື່ນແລະເຕັມໄປດ້ວຍຄວາມໜາຍຄວາມສໍາຄັນຢ່າງເລີກເຊີ່ງ,ພ້ອມທັງເປັນການສ້າງສັນພົບປະສ້າງສັນຄວາມສາມັກຄີໄມຕີຈິດມິດຕະພາບລະຫ່ວາງກົມກອງ,ຫ້ອງການໃຫ້ມີຄວາມໜັກແໜ້ນແລະຍັງເປັນການຝືກຝົນຫຼໍ່ຫຼອມກໍາລັງແຮງກາຍໃຫ້ມີສຸກຂະພາບແຂງແຮງສົມບູນ

ຜົນຂອງການແຂ່ງຂັນກີລາດອກປີກໄກ່ຊີງຂັນຮອງປະທານສະພາປະຊາຊົນແຂວງຫຼວງພະບາງໄດ້ທີ 1 ທີມຫ້ອງການກະສືກໍາແລະປ່າໄມ້ເມືອງຂັນ 1 ໜ່ວຍ,ທີ 2 ທີມຫ້ອງການຖະແຫຼ່ງຂ່າວວັດທະນະທໍາແລະທ່ອງທ່ຽວເມືອງແລະຈັດຕັ້ງເມືອງຂັນ 1 ໜ່ວຍ,ທີ 3 ທີມສະພາປະຊາຊົນແຂວງຫຼວງພະບາງຂັນ 1 ໜ່ວຍ,ພິທີຍັງໄດ້ມອບຂອງຂັວນລາງວັນໃຫ້ນັກກີລາປະເພດ1,2,3

ໂດຍທ່ານ ສິງຕັນ ໄຊລືຊົ່ງ ຮອງປະທານສະພາປະຊາຊົນແຂວງຫຼວງພະບາງໃຫ້ກຽດຂື້ນມອບຢ່າງສົມກຽດ,ງານແຂ່ງຂັນກີລາດອກປີກໄກ່ຊີງຂັນຮອງປະທານສະພາປະຊາຊົນແຂວງຫຼວງພະບາງຄັ້ງນີ້ໄດ້ຮັບການອຸປະຖໍາໂດຍ ບໍລິສັດ ອ່າງທອງກຮຸບ ກໍ່ສ້າງແລະເຄຫະສະຖານ.

ຂ່າວ-ພາບ ແສງຄໍາ ວັນທະນູໄຊ