ລະວັງ! ກຸ່ມຄົນບໍ່ດີແຮັກເຟສ໌ບຸກຄົນອື່ນ ແລ້ວທຳທ່າແຊດຂໍຢືມເງິນກໍາລັງລະບາດ

701

ຈາກກໍລະນີ ພີ່ນ້ອງຂ້ອຍຊື່ເຟສ໌ບຸກ ທີ່ມີຊື່ວ່າ: Say Svnck ໄດ້ຖຶກກຸ່ມຄົນບໍ່ດີແຮັກເຟສ໌ບຸກລາວ ແລ້ວເອົາໄປເຮັດສິ່ງບໍ່ດີ ໂດຍສົ່ງຂໍ້ຄວາມຫາຜູ້ເປັນເພື່ອນໃນເຟສ໌ໃຫ້ໂອນເງິນໃຫ້ ຫຼື ຂໍຢືມເງິນ ຈົນເຮັດໃຫ້ຄົນຮັກແພງ ຫຼື ຄົນຮູ້ຈັກຫຼົງເຊື່ອແລ້ວໂອນເງິນໃຫ້, ຂູດບັດຕື່ມເງິນໃຫ້ ຫຼື ເສຍຄ່າໃຊ້ຈ່າຍອື່ນໆໂດຍຜູ້ກ່ຽວບໍ່ຮູ້ຈັກຫຍັງ; ກວ່າຈະຮູ້ໂຕອີກຄັ້ງແມ່ນເສຍຫາຍຫຼາຍເຕີບ.

ເຫດການດັ່ງກ່າວ ເກີດຂຶ້ນໃນຕອນແລງຂອງວັນທີ 13 ພະຈິກ ເວລາ 15:37 ນາທີ ໄດ້ຖຶກກຸ່ມຄົນບໍ່ດີແຮັກເຟສ໌ບຸກ ທີ່ມີຊື່ວ່າ: Say Svnck ແລ້ວໃຊ້ເຟສ໌ດັ່ງກ່າວເປັນເຄື່ອງມືຕົ້ມຕຸນ ຫຼື ເຮັດສິ່ງບໍດີ, ອັນເຮັດໃຫ້ບຸກຄົນອ້ອມຂ້າງໄດ້ຮັບຜົນກະທົບໄປຕາມໆກັນ ໂດຍສະເພາະແມ່ນການຂໍເງິນ, ຢືມເງິນ, ໃຫ້ຂູດບັດຕື່ມເງິນໃຫ້ ແລະ ອື່ນໆ ທີ່ເປັນເຫດໃຫ້ເກີດຄວາມເສຍຫາຍຕໍ່ຜູ້ກ່ຽວ ແລະ ບັນດາໝູ່ເພື່ອນໃນເຟສ໌ບຸກ.

ໂດຍສະເພາະ ແມ່ນກໍລະນີລາວສົ່ງຂໍ້ຄວາມມາຫາຂ້ອຍໃຫ້ໂອນເງິນໃຫ້ 3 ແສນກີບ, ແຕ່ຂ້ອຍກໍ່ແປກໃຈຕັ້ງແຕ່ທໍາອິດແລ້ວ, ຂ້ອຍເລີຍຍົກໂທລະສັບຖາມເຈົ້າຂອງເຟສ໌ດ້ວຍຕົນເອງ ປາກົດວ່າຜູ້ກ່ຽວບໍ່ຮູ້ເລື່ອງຫຍັງຈັກໜ້ອຍ ແລະ ບໍ່ໄດ້ສົ່ງຂໍ້ຄວາມຫາ. ເວລາຕໍ່ມາກໍ່ມາລົມກັນໃຫ້ເຂົ້າໃຈ ແລະ ຮູ້ວ່າເຟສ໌ທີ່ລາວໃຊ້ຢູ່ໃນປັດຈຸບັນນີ້ແມ່ນຖຶກແຮັກ ແລະ ບໍ່ສາມາດກູ້ຄືນໄດ້.

ສະນັ້ນ, ຈຶ່ງຝາກເຕືອນທຸກຄົນທີ່ເປັນໝູ່ຂອງລາວ ຈໍານວນ 197ຄົນ ທີ່ເປັນເພື່ອນໃນເຟສ໌ບຸກ ພາຍໃຕ້ ຊື່ວ່າ: Say Svnck ຈົ່ງໃຫ້ມີສະຕິລະວັງຕົວ ເພາະເຟສລາວຖຶກແຮັກ ແລະ ລາວເອງກະບໍ່ໄດ້ສົ່ງຂໍ້ຄວາມຫາໃຜທັງນັ້ນ.

ຕອນນີ້, ເຈົ້າໜ້າທີ່ຕຳຫຼວດຕ້ານອາຊະຍາກຳທາງຄອມພິວເຕີ, ເຈົ້າໜ້າທີ່ສູນອິນເຕີເນັດແຫ່ງຊາດ ລວມທັງທະນາຄານການຄ້າຕ່າງປະເທດລາວ ມະຫາຊົນ ແລະ ທະນາຄານພັດທະນາລາວ ກໍາລັງກວດສອບບັນຊີທີ່ສົ່ງເຂົ້າມາ ອອກຊື່ບັນຊີ: SOUPHANITH KETMANY MRS ເພື່ອເອົາລາຍລະອຽດໃນການສືບສວນ-ສອບສວນຕໍ່ໄປ ຄາດວ່າຈະໄດ້ຄຳຕອບໃນໄວໆນີ້. (ລາຍລະອຽດຕາມຮູບລຸ່ມນີ້).

ຝາກກົດໄລຄ໌ ແລະ ແຊຣ໌ອອກໄປຫຼາຍໆ ເພື່ອບໍ່ໃຫ້ຄົນໃກ້ໂຕ ຫລື ຄົນທີ່ທ່ານຮັກຕົກເປັນເຫຍື່ອລາຍຕໍ່ໄປ.

ຂໍຂອບໃຈ