ໄດ້ແລ້ວຜູ້ໂຊກດີໄດ້ລົດຟອດ ອີໂຄສະປອດ

411

ໃນວັນທີ 6 ພະຈິກ 2019 ບໍລິສັດ ລາວ ຟອດຊີຕີ ໄດ້ຈັດງານຈັບສະຫຼາກມອບລົດຟອດ Ecosport ECOBOOTS 1 ຄັນ ແລະ ລາງວັນອື່ນໆ ເພື່ອເປັນການຄືນກໍາໄລໃຫ້ລູກຄ້າທີ່ໄວ້ວາງໃຈໃນລົດຟອດ, ຜູ້ໂຊກດີໃນໂຄງການນີ້ແມ່ນ ທ່ານ ດາວວອນ ທອງວິໄລ.

ໂຄງການດັ່ງກ່າວພຽງແຕ່ຊື້ ຫຼື ຜ່ອນລົດຟອດທຸກລຸ້ນ ເລີ່ມແຕ່ໄລຍະເດືອນມັງກອນ 2019 ຫາ 30 ມິຖຸນາ 2019 ກໍຈະມີສິດລຸ້ນຮັບຂອງລາງວັນໃຫຍ່ ໂດຍຈະມີບັດຊີງໂຊກລຸ້ນຮັບໂຊກ ລາງວັນທີ 1 ລົດຟອດ Ecosport ECOBOOTS 1 ຄັນ, ລາງວັນທີ 2 ສາຍຄໍຄໍາໜັກ 2 ບາດ ຈໍານວນ 5 ລາງວັນ ແລະ ລາງວັນທີ 3 ຊໍາຊຸງກາແລັກຊີໂນ໊ດ 10 ຈໍານວນ 5 ລາງວັນ.

ພາຍໃນງານແມ່ນເຕັມໄປດ້ວຍບັນດາແຂກຜູ້ມີກຽດ ແລະ ສັກຂີພິຍານຜູ້ຊົງຄຸນວຸດທິ ທີ່ເປັນກຽດໃນການຈັບສະຫຼາກໃນຄັ້ງນີ້ອີກດ້ວຍ.

ລູກຄ້າຜູ້ໂຊກດີໄດ້ຮັບລາງວັນໄດ້ແກ່: ລາງວັນທີ 1 ທ່ານ ດາວວອນ ທອງວິໄລ; ລາງວັນທີ 2 ທ່ານ ປ່ອງ ນິລາວັນ, ທ່ານ ໄກສອນ   ສົນທິກຸມມານ, ທ່ານ ຄໍາ    ໄຊຍະວົງ, ທ່ານ ວັນນະສິດ ພວງມະໄລ, ທ່ານ ສີລິໂສພາ ສຸມົນທາ ແລະ ລາງວັນທີ 3 ທ່ານ ສີສຸນົນ, ທ່ານ ນາງ ດາວວອນ ( ດາວວອນ ອໍໂຕ້ ), ທ່ານ ມະໄລທອງ ແກ່ນສັກດາ ບໍລິສັດ ເຊບລອນ ຄອບຟີ ແລະ ທ່ານ ວຽງສິງ ທອງມະນີວົງ.

ທີ່ມາ: ໜັງສືພິມ ເສດຖະກິດ-ການຄ້າ