ສະພາ ຮັບຮອງເອົາການເແຕ່ງຕັ້ງລັດຖະມົນຕີ 2 ກະຊວງ.

429

ກອງປະຊຸມສະໄໝສາມັນ ​ເທື່ອ​ທີ 8 ຂອງສະພາ​ແຫ່ງ​ຊາດ ຊຸດ​ທີ VIII ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 7 ພະຈິກ 2019 ໂດຍການເປັນປະທານຂອງ ທ່ານ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ, ປະທານສະພາແຫ່ງຊາດ

ໃຫ້ກຽດເຂົ້າຮ່ວມ ຂອງ ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ, ມີບັນດາການນຳ, ອະດີດການນຳພັກ-ລັດ, ສະມາຊິກສະພາແຫ່ງຊາດ ທຸກເຂດເລືອກຕັ້ງ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.

ໃນວາລະດຳເນີນກອງປະຊຸມສະໄໝສາມັນ ສະມາຊິກສະພາແຫ່ງຊາດຍັງໄດ້ປະກອບຄໍາເຫັນໃສ່ບົດສະເໜີຂອງລັດຖະບານ ແລະ ລົງຄະແນນສຽງຮັບຮອງເອົາການແຕ່ງຕັ້ງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ຄວບຕໍາແໜ່ງເປັນລັດຖະມົນຕີກະຊວງແຜນການ ແລະ ການລົງທຶນ ດ້ວຍຄະແນນສຽງເຫັນດີເປັນສ່ວນຫຼາຍ.

ນອກນັ້ນ, ບັນດາສະມາຊິກສະພາແຫ່ງຊາດ ກໍ່ໄດ້ຍັງປະກອບຄໍາເຫັນ ແລະລົງຄະແນນສຽງຮັບຮອງເອົາທ່ານ ກິແກ້ວ ໄຂຄຳພິທູນ ເປັນລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ດ້ວຍຄະແນນສຽງເຫັນດີເປັນສ່ວນຫຼາຍ.

ໃນກອງປະຊຸມ, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຂຶ້ນລາຍງານ ກ່ຽວກັບການຈັດຕັ້ງປະຕິບັດວຽກງານພົ້ນເດັ່ນ ປະຈຳປີ 2019 ແລະ ທິດທາງແຜນວຽກຈຸດສຸມ ປະຈຳປີ 2020 ຂອງລັດຖະບານ ຕື່ມອີກ.