ໄດ້ແລ້ວຜູ້ໂຊກດີຮັບລົດຈັກ ຊູເມີ – ເອັກສ໌ ຈາກກາເຟອາເມຊອນ

398

ທ່ານ ນາງ ຈໍາປີ ຂັນທະວົງ ຜູ້ໂຊກດີໃນໂຄງການ ກາເຟອາເມຊອນ ແຈກໂຊກໃຫຍ່ຄັ້ງທີ 2 ເຊິ່ງລາງວັນໃຫຍ່ແມ່ນລົດຈັກ Honda Zoomer – X ຈຳນວນ 1 ຄັນ ພ້ອມຂອງລາງວັນອື່ນໆ ລວມມູນຄ່າຫຼາຍກວ່າ 100 ລ້ານກີບ.

ໃນວັນທີ 30 ຕຸລາ 2019 ທີ່ກາເຟອາເມຊອນ ສາຂາໂພນຕ້ອງ – ຈອມມະນີ ນະຄອນຫຼວງວຽງຈັນ ໄດ້ຈັບສະຫຼາກປະຈໍາເດືອນຕຸລາ ມອບລົດຈັກ Honda Zoomer – X ຈຳນວນ 1 ຄັນ ພ້ອມລາງວັນອື່ນໆອີກຫຼາຍກວ່າ 100 ລ້ານກີບ ໂດຍການເຂົ້າຮ່ວມຂອງ ທ່ານ ວັນສະຫວ່າງ ສ່ອງແສງ ຮອງຜູ້ອໍານວຍການ ບໍລິສັດ ພີທີທີ ລາວຈໍາກັດ  ພ້ອມດ້ວຍຜູ້ບໍລິຫານ ແລະ ພະນັກງານເຂົ້າຮ່ວມ.

ສໍາລັບຜູ້ໂຊກດີລາງວັນທີ 1 ລົດຈັກ Honda Zoomer – X ໄດ້ແກ່ ທ່ານ ນາງ ຈໍາປີ ຂັນທະວົງ ບ້ານໂພນໄຊ ເມືອງໄຊເສດຖາ ນະຄອນຫຼວງວຽງຈັນ, ລາງວັນທີ 2 ດື່ມເຄື່ອງດື່ມອາເມຊອນລ້າໆ ( ຟຣີ ) 1 ເດືອນ ມີ 3 ລາງວັນ ຄື: ນາງ ທອງມາລີ ສີລາວັນ ບ້ານໂພນແພງ ແຂວງຫຼວງພະບາງ, ນາງ ກິດຕິ ຈຸທາທິບ ບ້ານໂພນສະຫວາດເໜືອ ເມືອງສີສັດຕະນາກ, ທ່ານ ບຸນຈັນ ໄຊຍະລາດ ບ້ານສະພັງມຶກ ເມືອງໄຊທານີ; ລາງວັນທີ 3 ຊຸດເຄື່ອງພຣີມ້ຽມມີ 5 ລາງວັນ ຄື: ນາງ ແຟນຕ້າ ແກ້ວປາກດີ, ນາງ ປານີ ມັງທໍ່ເມກ, ນາງ ນໍ້າຝົນ ສີສະຫວ່າງ, ນາງ ບຸນເຕົ່າ ເທບກັນຫາ ແລະ ນາງ ອໍາລີ ເພັງພະຈັນ.

ການແຈກລາງວັນຄັ້ງນີ້ເປັນເທື່ອທີ 2 ຂອງກາເຟອາເມຊອນ ທີ່ມີທັງໝົດ 61 ສາຂາໃນທົ່ວປະເທດ ສາມາດສັງລວມໃບບິນທັງໝົດ 6 ແສນກວ່າບິນ.

ສໍາລັບກະຕິກາເພື່ອລຸ້ນຮັບຂອງລາງວັນໂຄງການດັ່ງກ່າວ ພຽງແຕ່ທ່ານຂຽນຊື່, ນາມສະກຸນ, ທີ່ຢູ່, ເບີໂທລະສັບ ລົງໃນດ້ານຫຼັງໃບບິນຮັບເງິນກາເຟອາເມຊອນທຸກສາຂາ ແລ້ວປ່ອນລົງກ່ອງຂອງລາງວັນທີ່ພະນັກງານກຽມໄວ້ ເທົ່ານີ້ທ່ານກໍມີສິດລຸ້ນເປັນຜູ້ໂຊກດີໃນເດືອນຕໍ່ໄປ.

ທີ່ມາ: ໜັງສືພິມ ເສດຖະກິດ-ການຄ້າ