ສາລະວັນ ຮ່ວມແຮງສ້າງຂະບວນການອານະໄມລວມທາງຂຶ້ນແຫຼ່ງທ່ອງທ່ຽວອຸທິຍານພູຜາສຸກ

355

ໃນອາທິດທີ່ຜ່ານມາ ແຂວງສາລະວັນໄດ້ຈັດກິດຈະກຳສ້າງຂະບວນການອານະໄມລວມ ແຫຼ່ງທ່ອງທ່ຽວອຸທິຍານພູຜາສຸກ ລວມມີພາກສ່ວນພະແນກການ, ກົມກອງ, ອົງການຈັດຕັ້ງ ແລະ ລັດວິສາຫະກິດຕ່າງໆອ້ອມຂ້າງແຂວງເຂົ້າຮ່ວມໃນການອະນະໄມລວມຄັ້ງນີ້ມີທັງໝົດເກືອບ 600 ຄົນທີ່ມາຈາກພາສ່ວນຕ່າງໆ.


ການເຮັດໃນການອະນະໄມລວມນີ້ມີສ້ອມແປງທາງຍ່າງພາຍໃນຖໍ້າ, ສ້ອມແປງຂົວ ແລະ ເກັບຂີ້ເຫຍື້ອ, ງ່າໄມ້ອອກຈາກຖໍ້າ, ທັງນີ້ກໍ່ເພື່ອເຮັດໃຫ້ພາຍຖໍ້າມີຄວາມສະອາດຈົບງາມ ແລະ ເຮັດໃຫ້ແຂກທີ່ເຂົ້າມາຖ່ຽວຊົມຖໍ້າມີຄວາມສະດວກສະສະບາຍໃນການຍ່າງເລາະເບິ່ງຄວາມງາມຂອງຖໍ້າ.

ເຊິ່ງການສ້າງຂະບວນການອະນະໄມອອກແຮງງານລວມໃນຄັ້ງນີ້ ກໍ່ເພື່ອຂໍ່ານັບຮັບຕອນກອງປະຊຸມໃຫຍ່ 3 ຂັ້ນຂອງພັກ, ກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງສາລະວັນ ແລະ ວັນສຳຄັນຕ່າງໆຂອງພັກ-ຂອງຊາດໃຫ້ມີບັນຍາກາດຟົດຟື້ນ, ພ້ອມທັງເປັນຂະບວນຢ່າງກວ້າງຂວາງ.

ທີ່ມາ: ໜັງສືພິມສາລະວັນ