ວິທະຍາໄລ ກະສິກຳ ແລະ ປ່າໄມ້ ແຂວງຈໍາປາສັກ ຈັດງານຕະຫລາດນັດແຮງງານ ຄັ້ງທີ 2

406

ວິທະຍາໄລ ກະສິກໍາ ແລະ ປ່າໄມ້ ແຂວງ ຈໍາປາສັກ ຈັດງານຕະຫລາດນັດແຮງງານ ຄັ້ງທີ 2 ຂຶ້ນ ໃນວັນທີ 29 ຕຸລາ 2019 ທີ່ສະໂມສອນຂອງວິທະຍາໄລ ໂດຍເປັນປະທານ ຂອງທ່ານ ຄໍາສະຫວ່າງ ສົມບູນຂັນ ຜູ້ອຳນວຍການວິທະຍາ ໄລກະສິກໍາ ແລະ ປ່າໄມ້ແຂວງ ຈໍາປາສັກ ມີຜູ້ປະກອບການ ທຸລະກິດພາກສ່ວນຕ່າງໆ ຕະຫລອດຮອດພະນັກງານ ຄູອາ ຈານ, ນັກຮຽນນັກສຶກສາເຂົ້າຮ່ວມ.

ທ່ານ ຄໍາສະຫວ່າງ ສົມບູນຂັນ ກ່າວວ່າ: ງານຄັ້ງ ນີ້ ມີຄວາມສໍາຄັນຄັນຫລາຍຕໍ່ນັກສຶກສາ ເພາະເປັນການເປີດ ໂອກາດໃຫ້ນັກສຶກສາທີ່ຮຽນຈົບແລ້ວ ແລະ ກຳລັງຈະຮຽນ ຈົບໄດ້ລົງທະບຽນສະໝັກວຽກເຮັດງານທໍາ ຕາມຄວາມ ສາມາດ ແລະ ວິຊາຂອງຕົນທີ່ໄດ້ຮຽນມາເຊັ່ນ:

ພາກວິຊາທຸ ລະກິດກະສິກໍາ, ປູກຝັງ,ລ້ຽງສັດ, ການປະມົງ, ປ່າໄມ້, ວິທະຍາສາດ ແລະ ວິໄຈດິນ ເພື່ອເຮັດແນວໃດບໍ່ໃຫ້ນັກສຶກ ສາທີ່ຮຽນຈົບໄປແລ້ວ ຂາດວຽກເຮັດງານທໍາຄືກັບໄລຍະ ຜ່ານມາ,ຈາກນີ້ກໍເປັນທາງເລືອກທີ່ດີໃຫ້ແກ່ຫົວໜ່ວຍທຸລະກິດ,ບໍລິສັດຫ້າງຮ້ານຕ່າງໆ ຄັດເລືອກເອົານັກວິຊາ ການເຫລົ່ານີ້ ເຂົ້າເຮັດວຽກຕາມຕໍ່າແໜ່ງງານທີ່ມີຄວາມ ຕ້ອງການ.


ພາຍໃນ ມີບັນດາທຸລະກິດທີ່ທໍາຜະລິດ, ປູກຝັງ-ລ້ຽງສັດ ເຊັ່ນ: ການປູກ ແລະ ຜະລິດກາເຟ, ຖົ່ວລຽນ, ມັນຕົ້ນ, ເພາະພັນປາ, ກ້າເບ້ຍໄມ້, ລ້ຽງປາ ແລະ ອື່ນໆ.

ຂ່າວ: ເກດສະໜາ ແກ້ວສຸວັນນະແສງ