ປະທານາທິບໍດີ ຮົງກາລີ ເດີນທາງຮອດນະຄອນຫຼວງວຽງຈັນແລ້ວຄືນນີ້

341

ທ່ານ ຢາໂນສ ອາແດຣ ປະທານາທິບໍດີ ແຫ່ງ ສາທາລະນະລັດ ຮົງກາລີ, ພ້ອມດ້ວຍພັນລະຍາ ແລະ ຄະນະ ໄດ້ເດີນທາງມາເຖິງສະໜາມບິນສາກົນວັດໄຕ ນະຄອນຫຼວງວຽງຈັນ ໃນຕອນຄ່ຳຂອງວັນທີ 24 ຕຸລາ 2019 ເພື່ອຢ້ຽມຢາມທາງລັດຖະກິດ ຢູ່ ສາທາລະນະລັດ ປະຊາທິປະໄຕ ປະຊາຊົນລາວ ລະຫວ່າງວັນທີ 24-27 ຕຸລາ 2019 ຕາມການເຊື້ອເຊີນຂອງ ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ໃຫ້ກຽດຕ້ອນທີ່ສະຫນາມບິນສາກົນ ວັດໄຕ ໂດຍ ທ່ານ ຄຳເມິງ ພົງທະດີ ລັດຖະມົນຕີ, ຫົວໜ້າຫ້ອງວ່າການປະທານປະເທດ (ລັດຖະມົນຕີກຽດຕິຍົດ), ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ, ທ່ານ Szilveszter Bus ເອກອັກຄະລັດຖະທູດ ແຫ່ງ ສາທາລະນະລັດ ຮົງກາລີ ປະຈຳ ສປປ ລາວ, ພ້ອມດ້ວຍພະນັກງານທີ່ກ່ຽວຂ້ອງຈາກສອງຝ່າຍ.

ທີ່ມາ: ຂປລ