ສຶບສານປະເພນີ! ຊາວຫຼວງພະບາງຮ່ວມກັນ ໃສ່ບາດພະສົງ 5 ແຜ່ນດິນລຸ່ມແມ່ນ້ຳຂອງ

315

ຂະບວນທຳມະຍາດຕາ 5 ແຜ່ນດິນລຸ່ມແມ່ນ້ຳຂອງຄື: ລາວ, ໄທ, ຫວຽດນາມ, ກຳປູເຈຍ ແລະ ມຽນມາ ທີ່ໄດ້ມາຢ້ຽມຢາມ,ນະມັດສະການ ແລະ ເຮັດກິດຈະກໍາ ຢູ່ນະຄອນຫຼວງພະບາງ ແຂວງຫຼວງພະບາງ ໃນຕອນເຊົ້າວັນທີ 24 ຕຸລາ 2019 ເວລາ 6.00 ໂມງ ໄດ້ຈັດໃຫ້ມີກິດຈະກຳການໃສ່ບາດ ໂດຍມີການນໍາຂອງແຂວງ, ເມືອງ ພ້ອມດ້ວຍປະຊາຊົນທີ່ມີຈິດເຫຼື້ອມໃສສັດທາໃນພະພຸດທະສາສະໜາ ຮ່ວມກັນໃສ່ບາດ ເຊິ່ງເລີ່ມຈາກວັດຊຽງທອງ ເປັນສາຍຍາວຢາຍຕາມແຄມທາງ ຢ່າງຫຼວງຫຼາຍ ຈົນເຖິງວັດທາດນ້ອຍ.

ທ່ານ ຈັນສຸກ ພັນໂດລັກ ເຈົ້ານະຄອນ ຫຼວງພະບາງ ໄດ້ກ່າວວ່າ: ຫຼວງພະບາງ ເປັນແຂວງໝຶ່ງທີມີມູນເຊື້ອທາງດ້ານສາສະໜາ,ວັດທະນະທຳ-ຮີດຄອງປະເພນີອັນດີງາມ ແລະ ມີຕົ້ນກຳເນີດມາແລ້ວຫຼາຍພັນປີ. ສຳລັບ ກິດຈະກຳໃສ່ບາດຂອງໂຄງການທຳມະຍາດຕາ ເປັນອີກກິດຈະກຳໜຶ່ງທີມີຄວາມໝາຍຄວາມສຳຄັນ ໃນການສືຍຕໍ່ປົກປັກຮັກພຸດທະສາສະໜາຂອງ 5 ປະເທດ.