ລະວັງ!!! ເງິນປອມລະບາດອີກແລ້ວ

470

ມີລາຍງານຈາກຜູ້ໃຊ້ເພຈບຸກທ່ານໜຶ່ງໄດ້ ໂພສເຕືອນ ໃຫ້ທຸກທ່ານມີສະຕິໃນ ການກໍ່ໄດ້ຮັບແລກປ່ຽນເງິນຕາຕ່າງປະເທດ ໂດຍສະເພາະແມ່ນ ສະກຸນເງິນໂດລາ ໂດຍມີຂໍ້ຄວາມລະບຸວ່າ: “ດວ່ນ.ດວ່ນ…ໆໆຜູ້ຊາຍຄົນນີ້ເອົາເງີນດອນລາປອມ ມາແລກນຳຂ້ອຍ.ຈຳນວນ 500 ດອນລາ ເຂົ້າມາເວລາ.4 ໂມງ ຍັງ20 ມື້ນີວັນທີ 14/10/2019 ແຕ່ຂ້ອຍກະຮູ້ທັນເລີຍບໍ່ໄດ້ເສຍຫາຍຫຍັງ..ໃຫ້ບອກກັນຕໍ່ໄປແນ່ເດີ.ເຂົາມາກັນສອງຄົນຜູ້ໜຶ່ງ ຕີດລົດຈັກຖ້າຢູ່ນອກ..”

ຕາມຂໍ້ມູນເບື້ອງຕົ້ນ ໃຫ້ຮູ້ວ່າເຫດການດັ່ງກ່າວ ແມ່ນໄດ້ເກີດຂຶ້ນ ຢູ່ຕະຫຼາດ ບ້ານແກ້ງກອກ ເມືອງ ຈຳພອນ ແຂວງ ສະຫວັນນະເຂດ. ສະນັ້ນ, ຈຶ່ງຂໍເຕືອນມາຍັງບັນດາຊາວຄ້າ-ຂາຍ ແລະ ພໍ່ແມ່ປະຊາຊົນທຸກຖ້ວນຈົ່ງມີສະຕິລະມັດລະວັງ ເພື່ອຫຼີກລ່ຽງການຕົກເປັນເຫຍື່ອຂອງກຸ່ມຄົນບໍ່ດີ.