ບາດເຈັບກວ່າ 20 ຄົນ ຈາກເຫດລະເບີດຫິນ ຂອງໂຮງງານຊີມັງນ້ຳຖ້ວມ ຢູ່ເມືອງນ້ຳບາກ

388

ໃນຕອນແລງຂອງວັນທີ 5 ຕຸລາ 2019 ຜ່ານມາ ໄດ້ມີການລະເບີດຫີນ ເພື່ອເອົາຫີນປູນເຂົ້າເປັນວັດຖຸດິບຂອງໂຮງງານຊີມັງນ້ຳຖ້ວມ ເມືອງນ້ຳບາກ ຕາມເຄີຍປະຕິບັດມາເປັນປົກກະຕິ ແຕ່ເຫດການລະເບີດຄັ້ງນີ້ ໄດ້ສ້າງຄວາມສູນເສຍທາງດ້ານຊີວິດ ແລະ ຊັບສິນຂອງປະຊາຊົນຢູ່ບ້ານໂພນມະນີ ຈຳນວນໜຶ່ງ.

ในภาพอาจจะมี เมฆ, ท้องฟ้า และสถานที่กลางแจ้ง
ในภาพอาจจะมี สถานที่กลางแจ้ง

ທ່ານ ຄໍາວອນ ແກ້ວລຸນໜູນ ຮອງເຈົ້າເມືອງນໍ້າບາກ ໄດ້ເປີດເຜີຍວ່າ: ທຸກຄັ້ງກ່ອນຈະມີການລະເບີດຫີນ ອົງການປົກຄອງເມືອງ ໄດ້ແຕ່ງຕັ້ງຄະນະຮັບຜິດຊອບ ເພື່ອລົງຕິດຕາມ-ກວດກາ ຢ່າງໃກ້ສິດ ທັງໄດ້ຊີ້ນຳໃຫ້ມີການປະກອບພິທາງສາສະໜາທຸກຄັ້ງ ກ່ອນການລະເບີດຫີນ, ຕາມປົກກະຕິ ຄວາມແຮງຂອງລະເບີດຈະບໍ່ມີຜົນກະທົບມາຮອດເຮືອນປະຊາຊົນ ແຕ່ເທື່ອນີ້ ເຫັນວ່າລະເບີີດໄດ້ອອກທາງຂ້າງຂອງຜາຫີນ ແລະ ຟົ້ງມາຮອດເຮືອນຂອງປະຊາຊົນ ອັນເປັນເຫດເຮັດໃຫ້ມີຄົນເສຍຊີວິດ 1 ຄົນ, ບາດເຈັບ 23 ຄົນ, ຍິງ 5 ຄົນ, ໃນນັ້ນ ບາດເຈັບສາຫັດ 8 ຄົນ, ຍິງ 1 ຄົນ ແລະ ຄົນຈີນ 1 ຄົນ.

ไม่มีคำอธิบายรูปภาพ
ในภาพอาจจะมี ต้นพืช, สถานที่กลางแจ้ง และธรรมชาติ

ທ່ານ ຄຳວອນ ແກ້ວລຸນໜູນ ໃຫ້ຮູ້ຕື່ມວ່າ: ປັດຈຸບັນເຈົ້າໜ້າທີ່ ແລະ ວິິຊາການກ່ຽວຂ້ອງ ພວມເລັ່ງເກັບກຳຂໍ້ມູນຜົນເສຍຫາຍຕົວຈິງ ແລະ ຈະມີການລາຍງານເຖິງພາກສ່ວນກ່ຽວຂ້ອງ ເພື່ອຊອກວິທາງແກ້ໄຂ ທັງວາງມາດຕະການໃຫ້ເຂັ້ມງວດຕື່ມ ເພື່ອບໍ່ໃຫ້ເຫດການທີ່ສ້າງຄວາມເສຍຫາຍເກີດຂື້ນອີກ.

ในภาพอาจจะมี ภูเขา, ท้องฟ้า, เมฆ, สถานที่กลางแจ้ง และธรรมชาติ
ในภาพอาจจะมี หนึ่งคนขึ้นไป, ผู้คนกำลังยืน และสถานที่กลางแจ้ง