ຕຳຫຼວດຄວນຈັບຕົວ ຄະນະບໍລິສັດລະເບີດຫີນ ທີ່ເຮັດໃຫ້ມີປະຊາຊົນເສຍຊີວິດ ແລະ ບາດເຈັບຈຳນວນຫຼາຍ

786

ຈາກເຫດການລະເບີດຫີນ ໃນວັນທີ 5 ຕຸລາ 2019 ທີ່ບ້ານໂພນມະນີ, ເມືອງນ້ຳບາກ, ແຂວງຫຼວງພະບາງ ຂອງໂຮງງານຊີມັງທີ່ເປັນນັກລົງທຶນຊາວຈີນ ເຮັດຫີນຟົ້ງບ້ານເຮືອນ ແລະ ຖືກປະຊາຊົນໄດ້ຮັບບາດເຈັບຈຳນວນຫຼາຍ ແລະ ເສຍຊີວິດຄາທີ່ 2 ຄົນ ເຊິ່ງເຫດການກ່າວໄດ້ສ້າງຄວາມຫວາດຜະຫວາຕົກໃຈ ແກ່ປະຊາຊົນ ແລະ ຊາວເນັດຕ່າງກໍ່ປະນາມການກະທຳດັ່ງກ່າວ ວ່າບໍ່ມີມາດຕະຖານ, ບໍ່ມີຄວາມປອດໄພ ສ້າງຄວາມເສຍຫາຍແກ່ຊີວິດ ແລະ ຊັບສິນຂອງປະຊາຊົນ

ໃນວັນທີ 6 ຕຸລາ ຕາມການບອກເລົ່າຂອງຜູ້ໃຊ້ເຟສບຸ໊ກຊື່:​ Khamphery Phanouvong ວ່າ: ເຈົ້າຫນ້າທີ່ຕຳຫຼວດເມືອງ ແລະ ແຂວງ ຄວນໄດ້ເຂົ້າໄປຈັບຄະນະຮັບຜິດຊອບໂຮງງານຊີມັງ ແລະ ວິຊາການລະເບີດຫີນໂດຍດວ່ນ ເພື່ອບໍ່ໃຫ້ພວກມັນໂຕນຫນີໄປກອ່ນ ແລະ ໃຫ້ພວກມັນຊົດໃຊ້ຄ່າເສຍຫາຍທາງແພ່ງໃຫ້ປະຊາຊົນ ແລະ ຮັບໂທດທາງອາຍາທີ່ມີຄົນຕາຍ ການລະເບີດຫີນແບບນີ້ແມ່ນເຈດຕະນາຂ້າປະຊາຊົນ ແລະ ໄລ່ປະຊາຊົນຫນີແບບທາງອອ້ມ ລັດຄວນສັ່ງຍຸບໂຮງງານຊີມັງແຫ່ງນີ້ທັນທີໂດຍບໍ່ມີເງື່ອນໄຂ…ຖ້າຈະໃຫ້ມັນສືບຕໍ່ເຮັດກໍ່ໃຫ້ຍ້າຍໂຮງງານ ແລະ ບອ່ນລະເບີດຫີນຢູ່ບອ່ນຫ່າງໄກ ສອກຫລີກທີ່ບໍ່ມີບ້ານປະຊາຊົນ ແລະ ບໍ່ມີຜົນປະທົບຕໍ່ສິ່ງແວດລ້ອມທາງມົນລະພິດຕໍ່ປະຊາຊົນ.