ດີໃຈນຳ!!! ອັດຕະປື ໄດ້ຮັບການຊ່ວຍເຫຼືອຈາກບໍລິສັດ IHC 100 ລ້ານກີບ

520

ວັນທີ 4 ຕຸລາ 2019 ບໍລິສັດ IHC ໄດ້ມອບເງິນຈຳນວນ 100 ລ້ານກີບ ໃຫ້ແກ່ ແຂວງ ອັດຕະປື ເພື່ອນຳໄປຊ່ວຍ ຜູ້ປະສົບໄພພິບັດ ຕ່າງໜ້າ ກ່າວມອບໂດຍ ທ່ານ ສີສະຫວາດ ແກ້ວມາລາວົງ ຈາກ ບໍລິສັດ ທີ່ປືກສາດ້ານພະລັງງານໄຟຟ້າ (IHC) ແລະ ຕ່າງໜ້າກ່າວຮັບໂດຍ ທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງ ອັດຕະປື ມີຄະນະນຳກ່ຽວຂ້ອງທັງສອງຝ່າຍເຂົ້າຮ່ວມ.

ການຊ່ວຍເຫຼືອເງິນຈຳນວນ 100 ລ້ານກີບ ທີ່ໄດ້ຈາກ ບໍລິສັດ ທີ່ປືກສາດ້ານພະລັງງານໄຟຟ້າ (IHC) ເນື່ອງຈາກວ່າໃນໄລຍະຜ່ານມາ ແຂວງ ອັດຕະປື ຖືກຜົນກະທົບຈາກໄພທຳມະຊາດ ເຮັດໃຫ້ປະຊາຊົນພົບພໍ້ກັບຄວາມຫຍຸ້ງຍາກຫຼາຍດ້ານ ເຊິ່ງໃນໄລຍະຜ່ານມາ ບໍລິສັດ ດັ່ງກ່າວ ໄດ້ມອບເງິນຊ່ວຍເຫຼືອໄປແລ້ວໃນ 4 ແຂວງ ພາກໃຕ້ ເຊິ່ງໄດ້ກາຍເປັນສ່ວນໜຶ່ງ ໃນການຊ່ວຍເຫລືອເພື່ອເປັນການແບ່ງເບົາ ບັນດາຜູ້ປະສົບໄພ ໃຫ້ມີຊີວິດການເປັນຢູ່ທີ່ດີຂຶ້ນ ແລະ ນຳພາຊີວິດກັບຂຶ້ນມາໃຫ້ສາມາດດຳລົງໄດ້ຢ່າງປົກກະຕິໃນຕໍ່ໜ້າ.

ຕໍ່ການຊ່ວຍເຫຼືອດັ່ງກ່າວ ທ່ານ ເລັດ ໄຊຍະພອນ ໄດ້ສະເເດງຄວາເຫັນວ່າ:ເງິນທີ່ໄດ້ຮັບຈາກການຊ່ວຍເຫລືອຈຳນວນມະຫາສານ ຈາກສັງຄົມ ທັງພາຍໃນ ແລະ ຕ່າງປະເທດ ບໍ່ວ່າໃນໄລຍະຜ່ານມາ ກໍ່ຄື ຢູ່ໃນຄະນະນີ້ ແມ່ນມີການຄຸ້ມຄອງເປັນລະບົບຢ່າງຄັກແນ່ ເຊິ່ງນອກເໜືອຈາກການຊ່ວຍເຫລືອສຸກເສີນແລ້ວ ແມ່ນຈະໄດ້ສຸມໃສ່ເຂົ້າໃນການຟື້ນຟູສະພາບເງື່ອນໄຂຊີວິດການເປັນຢູ່ຂອງຜູ້ປະສົບໄພ ນັບທັງການປັບປຸງສະພາບພື້ນຖານໂຄງລ່າງ, ຖະໜົນຫົນທາງ, ລະບົບໄຟຟ້າ-ນ້ຳປະປາ, ການຟື້ນຟູທີ່ຢູ່ອາໃສ-ເຮືອນຊານບ້ານຊ່ອງ ລວມທັງສະພາບການຜະລິດຕ່າງໆ ຈົນເຮັດໃຫ້ເຂົາເຈົ້າສາມາດກັບຄືນມາດຳລົງຊີວິດຢ່າງເປັນປົກກະຕິ.