ຮອງນາຍົກລັດຖະມົນຕີ ລົງຢ້ຽມຢາມເບິ່ງພື້ນທີ່ຜະລິດກະສິກໍາທີ່ຖືກນໍ້າຖ້ວມ

342

ວັນທີ 1 ຕຸລາ 2019 ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ພື້ນທີກະສິກຳທີ່ໄດ້ຮັບຜົນກະທົບ ຈາກໄພນ້ຳຖ້ວມ ຢູ່ເມືອງໜອງບົກ ແຂວງຄຳມ່ວນເພື່ອສຶກສາຊອກຫາຊ່ອງທາງແກ້ໄຂ ໃນສະເພາະໜ້າ ແລະ ຍາວນານ.

ຂະນະດຽວກັນ ທ່ານຮອງນາຍົກລັດຖະມົນຕີ ຍັງໄດ້ນຳເອົາ ເຄື່ອງອຸປະໂພກ, ບໍລິໂພກ ເປັນຕົ້ນ ເຂົ້າສານ, ນ້ຳດື່ມ, ປ່ອງປາ, ມຸ້ງ, ໝອນ ແລະ ອື່ນໆ ມາມອບໃຫ້ຫ້ອງການປົກຄອງເມືອງໜອງບົກ ເພື່ອນຳໄປມອບຕໍ່ໃຫ້ປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມ ຢ່າງທົ່ວເຖິງ.

ທັງນີ້, ທ່ານ ຄໍາແພງ ໄຊສົມແພງ, ລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ, ທັງເປັນປະທານຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ໃຫ້ຮູ້ເຖິງຜົນເສຍຫາຍຈາກໄພນໍ້າຖ້ວມ ໃນວັນທີ 1 ຕຸລາ 2019 ທີ່ຜ່ານມາວ່າ : ເຫດການນໍ້າຖ້ວມທີ່ໜັກ​ໜ່ວງ ໃນປີ 2019 ແມ່ນເກີດຂຶ້ນໃນຊ່ວງທ້າຍເດືອນ ສິງຫາ-ຕົ້ນເດືອນ ກັນຍາ ຢູ່ ແຂວງຄໍາມ່ວນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ ແລະ ແຂວງອັດຕະປື ປະເມີນມູນຄ່າເສຍຫາຍເບື້ອງຕົ້ນ 1.735ຕື້ກີບ