ລັດຖະບານ ມອບໃບຍ້ອງຍໍໃຫ້ກົມກອງ ແລະ ບຸກຄົນດີເດັ່ນ.

280

ໃນວັນທີ 1 ກັນຍາ 2019 ທີ່ກະຊວງການເງິນ ລັດຖະບານໄດ້ມອບໃບຍ້ອງຍໍໃຫ້ກົມກອງ ແລະ ບຸກຄົນ ທີ່ມີຜົນງານປະກອບສ່ວນສ້າງເງື່ອນໄຂໃຫ້ ສປປ ລາວ ອອກຈາກບັນຊີສີເທົ່າໄປສູ່ບັນຊີປົກກະຕິ ຈາກອົງການຕ້ານການຟອກເງິນສາກົນ.

ໂດຍ​ກາ​ນ​ໃຫ້ກຽດເຂົ້າ​ຮ່ວມທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ປະທານຄະນະກຳມະການແຫ່ງຊາດ ເພື່ອຕ້ານການຟອກເງິນ ແລະການສະໜອງທຶນໃຫ້ແກ່ການກໍ່ການຮ້າຍ (ຄຕ ຟງ). ມີບັນດາທ່ານທີ່ເຂົ້າຮ່ວມຈາກກະຊວງການເງິນ, ທະນາຄານ ແຫ່ງ ສປປ ລາວ, ກະຊວງປ້ອງກັນຄວາມສະຫງົບ, ກະຊວງອຸດສາຫະກຳ ແລະ ການຄ້າ, ອົງການໄອຍະການ ແລະ ສານປະຊາຊົນສູງສຸດ ພ້ອມດ້ວຍແຂກຖຶກເຊີນເຂົ້າຮວມ.

ໂອກາດນີ້, ປະທານກອງປະຊຸມກໍ່ໄດ້ສະແດງຄວາມຍ້ອງຍໍຊົມເຊີຍໃນການ​ປະ​ກອບ​ສ່ວນ​ເຂົ້າ​ໃນ​ການສ້າງເງື່ອນໄຂໃຫ້ ສປປ ລາວ ອອກຈາກບັນຊີສີເທົາ ກໍ່ຄືການຈັດຕັ້ງປະຕິບັດວຽກງານຕ້ານການຟອກເງິນ ແລະການສະໜອງທຶນໃຫ້ແກ່ການກໍ່ການຮ້າຍ ເພື່ອອອກຈາກບັນຊີສີເທົາຂອງ​ອົງ​ການ​ຕ້ານ​ການ​ຟອກ​ເງິນສາກົນໃນປີ 2017 ​ມີຈຳນວນທັງໝົດ 129 ​ຄົນທີ່ມາຈາກສູນກາງ ແລະທ້ອງຖິ່ນ.