ປກສ ຜົ້ງສາລີ ເລື່ອນຊັ້ນໃຫ້ນາຍ ແລະ ພົນຕຳຫຼວດຫຼາຍສະຫາຍ

423

ໃນວັນທີ 26 ກັນຍາ 2019 ຜ່ານມາ, ກອງບັນຊາການ ປກສ ແຂວງຜົ້ງສາລີ ໄດ້ຈັດພິທີປະກາດການເລື່ອນຊັ້ນໃຫ້ນາຍ ແລະ ພົນຕໍາຫຼວດ ທີ່ມີຜົນງານ ແລະ ມາດຖານເງື່ອນໄຂຄົບຖ້ວນ ຈຳນວນຫຼານສະຫາຍ; ເຂົ້າຮ່ວມປະດັບຊັ້ນໂດຍ ພັນເອກ ຄຳຈັນ ແສງລາວົງ ຮອງຫົວໜ້າກອງບັນຊາການ ປກສ ແຂວງ, ມີຄະນະພັກ-ຄະນະບັນຊາ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ในภาพอาจจะมี 7 คน, ผู้คนกำลังยืน

ໃນພິທີ ພັນໂທ ນາງ ວຽງຄຳ ຄຸນສົມເຮືອງ ຫົວໜ້າຫ້ອງການເມືອງ ປກສ ແຂວງ ໄດ້ຂຶ້ນຜ່ານຂໍ້ຕົກລົງຂອງ ກົມໃຫຍ່ການເມືອງ ປ້ອງກັນຄວາມສະຫງົບ ສະບັບເລກທີ 2829/ກມປສ ລົງວັນທີ 3 ກັນຍາ 2019 ວ່າດ້ວຍ ການເລື່ອນຊັ້ນໃຫ້ນາຍຕໍາຫຼວດກອງບັນຊາ ການ ປກສ ແຂວງ ຜົ້ງສາລີ ດັ່ງນີ້
ເລື່ອນຊັ້ນ ຮ້ອຍຕີ ຂຶ້ນ ຮ້ອຍໂທ 27 ສະຫາຍ ຍິງ 9 ສະຫາຍ; ເລື່ອນຊັ້ນວາທີ ຂຶ້ນ ຮ້ອຍຕີ 34 ສະຫາຍ ຍິງ 13 ສະຫາຍ.

ในภาพอาจจะมี 6 คน, ผู้คนกำลังยืน

ພ້ອມນີ້, ໄດ້ຜ່ານຂໍ້ຕົກລົງຂອງກອງບັນຊາການ ປກສ ເເຂວງຜົ້ງສາລີ ສະບັບເລກ ທີ 2346/ປຜລ ລົງວັນທີ 25 ກັນຍາ 2019 ວ່າດ້ວຍ ການເລື່ອນຊັ້ນໃຫ້ພົນຕໍາຫຼວດໃນກໍາລັງ ດັ່ງນີ້:
ເລື່ອນຊັ້ນ ສິບເອກ ຂຶ້ນ ວາທີ 42 ສະຫາຍ ຍິງ 3 ສະຫາຍ; ສິບໂທ ຂຶ້ນ ສິບເອກ 32 ສະຫາຍ ຍິງ 1 ສະຫາຍ ແລະ ສິບຕີ ຂຶ້ນ ສິບໂທ 2 ສະຫາຍ.

ในภาพอาจจะมี 4 คน, ผู้คนกำลังยืน

ໂອກາດນີ້, ພັນເອກ ຄຳຈັນ ແສງລາວົງ ໄດ້ກ່າວສະແດງຄວາມຍ້ອງຍໍ ຊົມເຊີຍຕໍ່ກັບຜົນງານ ແລະ ໄຊຊະນະ ໃນດ້ານຕ່າງໆທີ່ນາຍ ແລະ ພົນຕໍາຫຼວດຍາດມາໄດ້ ຈົນໄດ້ຮັບການເລື່ອນຊັ້ນໃນຄັ້ງນີ້, ພ້ອມທັງເນັ້ນໃຫ້ພະນັກງານ-ນັກຮົບແຕ່ລະສະຫາຍ ເອົາໃຈໃສ່ເພີ່ມທະວີຄວາມຮັບຜິດຊອບຕໍ່ໜ້າທີ່ວຽກງານ, ຍົກສູງຄວາມຮູ້-ຄວາມສາມາດ, ມີຄວາມສາມາດໃນການຈັດຕັ້ງ-ນຳພາທີ່ເຂັ້ມແຂງ, ມີແບບແຜນວິທີການເຮັດວຽກ, ສາມາດແກ້ໄຂບັນຫາສະເພາະໜ້າ ແລະ ຍາວນານ, ເດັດດ່ຽວ ແລະ ມີປະສິດທິພາບ ພ້ອມກັນເຮັດສໍາເລັດໜ້າທີ່ວຽກງານ ທີ່ການຈັດຕັ້ງຂັ້ນເທິງມອບໝາຍໃຫ້.

ในภาพอาจจะมี 3 คน, ผู้คนกำลังยืน