ນໍ້າງື່ມແຫ້ງສຸດໃນຮອບ 50 ປີ ຄາດກະທົບຕໍ່ການປູກພືດລະດູແລ້ງ

351

ປີນີ້, ຫຼາຍແຂວງທາງພາກກາງ ແລະ ພາກເໜືອປີນີ້ຝົນໜ້ອຍ ເຮັດໃຫ້ຫຼາຍພື້ນທີ່ຕ້ອງປະເຊີນກັບຄວາມແຫ້ງແລ້ງ. ສ່ວນລະດັບນໍ້າຢູ່ທ່າລາດ (ນໍ້າງື່ມ) ພົບລະດັບນໍ້າຕໍ່າສຸດໃນຮອບ 50 ປີ ອາດກະທົບຕໍ່ການສະໜອງນໍ້າໃນການປູກພືດລະດູແລ້ງ ແລະ ລະບົບນໍ້າປະປາໃນປີໜ້າ. ຂະນະທີ່ປະຊາຊົນສະເໜີຂະແໜງການກ່ຽວຂ້ອງລົງເກັບກໍາລະອຽດ ຖ້າເຫັນວ່ານໍ້າອາດບໍ່ກຸ້ມກໍອາດສະເໜີປູກພືດທາງເລືອກທີ່ໃຊ້ນໍ້າໜ້ອຍ.

ในภาพอาจจะมี ต้นไม้, ท้องฟ้า, ต้นพืช, สถานที่กลางแจ้ง, ธรรมชาติ และน้ำ

ທ່ານ ບຸນທັບ ວົງໄຊ ຮອງເຈົ້າເມືອງທຸລະຄົມ ແຂວງວຽງຈັນ ໃນວັນທີ 26 ກັນຍາ 2019 ວ່າ: ລະດັບນໍ້າງື່ມເລີ່ມບົກແຫ້ງລົງຫຼາຍແມ່ນໄລຍະຕົ້ນເດືອນກັນຍາທີ່ຜ່ານມາ ໂດຍສະເພາະໄລຍະຝົນບໍ່ຕົກເຮັດໃຫ້ມີນໍ້າໜ້ອຍ ເຊິ່ງວັດແທກລະດັບນໍ້າທີ່ແຫ້ງຈາກລະດັບນໍ້າປົກກະຕິເຖິງ 3 – 4 ແມັດ ເປັນການບົກແຫ້ງໃນຮອບ 50 ປີ.

ในภาพอาจจะมี 1 คน, กำลังนั่ง, ตาราง และสถานที่ในร่ม

ສະເພາະເມືອງທຸລະຄົມ ການຜະລິດເຂົ້ານາປີຕ້ອງໄດ້ດູດນໍ້າງື່ມເຂົ້າໃສ່ນາເນື່ອງຈາກບໍ່ມີຝົນ ເຊິ່ງຂະນະນີ້ຈັກດູດນໍ້າແມ່ນເລີ່ມເຂີນຈາກໜ້ານໍ້າແລ້ວ, ຍິ່ງໄປກວ່ານັ້ນຈັກໂປ່ມນໍ້າຂອງຊົນລະປະທານ 7 ແຫ່ງກໍເລີ່ມເຂີນຂຶ້ນເຊັ່ນກັນ. ດ້ານພາກລັດກໍເລັ່ງຫາວິທີແກ້ໄຂ ໂດຍການເຄື່ອນຍ້າຍຈັກໂປ່ມນໍ້າລົງໃຫ້ພໍດີກັບລະດັບນໍ້າ. ນອກຈາກນີ້, ເຂດທີ່ໃຊ້ຈັກດູດນໍ້າກໍຕ້ອງໄດ້ຕໍ່ທໍ່ອີກ, ສ່ວນການຜະລິດນາແຊງຜ່ານມາທົ່ວເມືອງປູກໃນເນື້ອທີ່ 5 ພັນກວ່າເຮັກຕາ, ແຕ່ຖ້າສະພາບນໍ້າງື່ມຍັງເປັນແບບນີ້ຕໍ່ໄປເນື້ອທີ່ການຜະລິດນາແຊງອາດຈະບໍ່ໄດ້ເທົ່າກັບປີຜ່ານມາ.

ในภาพอาจจะมี สถานที่กลางแจ้ง, น้ำ และธรรมชาติ

ື່ານ ນີ່ ປະຊາຊົນບ້ານປາກກະຍຸງ ເມືອງວຽງຄໍາ ແຂວງວຽງຈັນ ກ່າວວ່າ: ນັບຕັ້ງແຕ່ອາໄສຢູ່ເຂດນີ້ມາ 30 ກວ່າປີ ແມ່ນປີນີ້ເປັນປີທໍາອິດທີ່ນໍ້າບົກແຫ້ງລົງຫຼາຍ, ເຮັດໃຫ້ສາມາດຫາປາໄດ້ຫຼາຍຂຶ້ນຈາກທີ່ຜ່ານມາເຄີຍຫາປາໄດ້ມື້ໜຶ່ງ 10 – 15 ກິໂລ ແຕ່ໃນໄລຍະທີ່ນໍ້າບົກແຫ້ງສາມາດຫາປາໄດ້ເຖິງ 20 – 30 ກິໂລ ເຊິ່ງໄລຍະຍາວໂດຍສະເພາະໃນໄລຍະເດືອນເມສາ – ພຶດສະພາ ປີ 2020 ອາດກະທົບຕໍ່ລະບົບນິເວດຢູ່ໃນນໍ້າງື່ມ ໂດຍສະເພາະສ່ຽງຕໍ່ການສູນພັນຂອງປາທໍາມະຊາດ, ນໍ້າ ເພື່ອມາໃຊ້ເຂົ້າໃນການຜະລິດກະສິກໍາ, ນໍາເຂົ້າໃນການຜະລິດນໍ້າປະປາ.

ในภาพอาจจะมี ท้องฟ้า, ต้นไม้, สถานที่กลางแจ้ง, ธรรมชาติ และน้ำ

ກ່ອນໜ້ານີ້ ທ່ານ ສົມໃຈ ສີຈັນທະລາດ ຮອງຜູ້ອໍານວຍການເຂື່ອນໄຟຟ້ານໍ້າງື່ມ 1 ໃຫ້ຮູ້ວ່າ: ເຂື່ອນໄຟຟ້ານໍ້າງື່ມ 1 ຍັງມີບົດບາດໃນການຕ້ານແລ້ງ – ຕ້ານຖ້ວມ ໂດຍສະເພາະໃນລະດູຝົນເຂື່ອນໄດ້ກັກເກັບນໍ້າໄວ້ເພື່ອຊ່ວຍຕ້ານຖ້ວມ ແລະ ລະບາຍນໍ້າລົງສູ່ສາຍນໍ້າງື່ມຕອນລຸ່ມໃນລະດູແລ້ງ ເຮັດໃຫ້ປະຊາຊົນທໍາການຜະລິດ – ຊົມໃຊ້ນໍ້າຕະຫຼອດປີ, ມາຮອດວັນທີ 27 ສິງຫາ 2019 ລະດັບນ້ຳໃນອ່າງນ້ຳງື່ມ 1 ມີປະມານ 3.956 ລ້ານແມັດກ້ອນ, ຄິດເປັນ 55,66% ຂອງປະລິມານນ້ຳເຕັມອ່າງ, ດຽວນີ້ເຂື່ອນໄຟຟ້ານໍ້າງື່ມ 1 ແລ່ນເຄື່ອງຈັກພຽງແຕ່ 1 ໜ່ວຍເທົ່ານັ້ນ ໂດຍປ່ອຍນໍ້າອອກຈາກເຂື່ອນ 120 ແມັດກ້ອນຕໍ່ວິນາທີ ເຊິ່ງທຽບໃສ່ກັບໄລຍະດຽວກັນຂອງປີຜ່ານມາແມ່ນເຮົາແລ່ນເຕັມ 7 ເຄື່ອງ ແລະ ປ່ອຍນໍ້າ 700 ແມັດກ້ອນຕໍ່ວິນາທີ.

ในภาพอาจจะมี หนึ่งคนขึ้นไป, ต้นไม้, เด็ก, สถานที่กลางแจ้ง, ธรรมชาติ และน้ำ