ສະພາປະຊາຊົນແຂວງຈຳປາສັກ ມອບເຄື່ອງຊ່ວຍເຫຼືອຜູ້ປະສົບໄພຢູ່ເມືອງມຸນລະປະໂມກ

373

ໃນວັນທີ 16 ກັນຍາ 2019 ທ່ານ ບຸນທຽນ ທອງແກ້ວ ຮອງປະທານສະພາປະຊາຊົນແຂວງຈຳປາສັກ ພ້ອມທິມງານ ລົງມອບເຄື່ອງຊ່ວຍເຫຼືອ ມູນຄ່າ 2.530.000 ກີບ ໃຫ້ແກ່ເມືອງມຸນລະປາໂມກ ເພື່ອນຳໄປຊ່ວຍເຫຼືອພໍ່ແມ່ປະຊາຊົນທີ່ຖືກຜົນກະທົບຈາກໄພນ້ຳຖ້ວມ.

ເຊິ່ງພິທີມອບ-ຮັບຈັດຂື້ນຢູ່ທີ່ສະໂມສອນຂອງເມືອງ ໂດຍການມອບຂອງທ່ານ ບຸນທຽນ ທອງແກ້ວ ຮອງປະທານສະພາປະຊາຊົນແຂວງຈຳປາສັກ ເປັນກຽດຮັບໂດຍທ່ານ ສີສະຫັວດ ພົມມະລິວັນ ຮອງເລຂາພັກເມືອງ ຮອງເຈົ້າເມືອງ ທັງເປັນປະທານຄະນະກຳມະການປ້ອງກັນໄພພິບັດຂັ້ນເມືອງ,ມີໜ່ວຍງານສະພາປະຈຳເມືອງ,ຄະນະກຳມະການຂັ້ນເມືອງ ເຂົ້າຮ່ວມເປັນສັກຂີພະຍານ.

ສຳລັບເຄື່ອງທີ່ນຳມາມອບໃນຄັ້ງນີ້ແມ່ນເຄື່ອງບໍລິໂພກປະກອບມີ ນ້ຳດື່ມ 60 ແພັກ, ມີ່ 10 ແກັດ,ເກືອ 10 ຖົງໃຫ່ຍ, ປາປ໋ອງ 2 ແກັດ ລວມມູນຄ່າທັງໝົດ 2.530.000 ກີບ.