ທີມກູ້ໄພ 1623 ນວ ເດີນທາງເຖິງສາລະວັນແລ້ວ ເວລາ 16 ໂມງ ທີ 5 ກັນຍາ

430

ທີມກູ້ໄພ ມູນນິທິ 1623 ອອກເດີນທາງຈາກນະຄອນຫຼວງວຽງຈັນ ວັນທີ 4/9/19 ເວລາ 16:00 ໄດ້ເດີນທາງຮອດແຂວງສາລະວັນ ເມືອງຄົງເຊໂດນ ໃນເວລາ 6:00 ເຊົ້າ. 5/6/2019

ໄດ້ເຂົ້າລາຍງານຕົວກັບ ທ່ານ ຄຳສຸກ ຮອງເຈົ້າເມືອງ ເມືອງຄົງເຊໂດນ, ທ່ານ ບຸນທັນ ລືເດດມູນສອນ ເລຂາພັກເມືອງ ເມືອງຄົງເຊໂດນ, ທ່ານ ສຸດາໄລ ຫົວໜ້າພະແນກ ແຮງງານ ແລະ ສະຫວັດດີການສັງຄົມ ແຂວງສາລະວັນ

ທ່ານເຈົ້າເມືອງໄດ້ລາຍງານ ສະພາບເມືອງຄົງເຊໂດນ ແມ່ນມີທັງໝົດ 84ໝູ່ບ້ານ, ເນື້ອທີ່ທັງໝົດແມ່ນ 15.199ເຮັກຕ້າ, ລວມປະຊາຊົນທັງໝົດແມ່ນ 41.735ຄົນ, ຍິງ23.640ຄົນ.

ຖືກຜົນກະທົບນຳ້ຖ້ວມທັງໝົດແມ່ນ 68ໝູ່ບ້ານ, ສາມາດອົບພະຍົບຄົນໃນເບື້ອງຕົ້ນໄດ້ປະມານ 1000ຄົນ. ຍັງອີກຈຳນວນຫຼາຍ.

ປະຈຸບັນທີມກູ້ໄພ ມູນນິທິ 1623 ແມ່ນໄດ້ສົ່ງອາສາລົງຊ່ວຍເຫຼືອ ແມ່ນ 34 ສະຫາຍ, ເຮືອ 5ລຳ (ໄດ້ແບ່ງຄວາມຮັບຜິດຊອບ ເຮືອ 1 ລຳ ຮັບຜິດຊອບ 3 ໝູ່ບ້ານ)