ອີກແລ້ວ!! ແປ້ງນົວປອມລະບາດ ຢືດໄດ້ຢູ່ເມືອງພູຄູນກວ່າ 10 ເປົາ

259

ດັ່ງນັ້ນ, ໃນວັນທີ 19 ສິງຫາ 2019 ຜ່ານມາ ເຈົ້າໜ້າທີ່ ຫ້ອງການວິທະຍາສາດ ແລະ ເຕັກໂນໂລຊີເມືອງພູຄູນ ຮ່ວມກັບຂະແໜງການທີ່ກ້ຽວຂ້ອງຂອງເມືອງ ໄດ້ລົງຕິດຕາມ ແລະ ຢຶດສິນຄ້າລອກຮຽນແບບ ປະເພດແປ້ງນົວກາຈອງປອມ ຈາກລົດບັນທຸກທີ່ກຳລັງຂົນສົງເພື່ອຈຳໜ່າຍສົ່ງໃຫ້ຮ້ານຄ້າຕ່າງໆພາຍໃນເມືອງພູຄູນ ຈຳນວນ 5 ເປົາ ມີ 776 ຖົງ ນໍ້າໜັກລວມ 155,2 ກີໂລກຼາມ ລວມມູນຄ່າ 3 ລ້ານກວ່າກີບ ແລະ ໄດ້ທຳລາຍຖິ້ມໃນວັນທີ 23 ສິງຫາ 2019 ຢູ່ທີ່ເດີ່ນຕະຫຼາດຊຸມຊົນບ້ານສາມແຍກພູຄູນ.

ຫຼ້າສຸດ, ອີງຕາມຂ່າວລາຍງານວ່າ ໃນວັນທີ 24 ສິງຫາ 2019 ຜ່ານມາ ເຈົ້າໜ້າທີ່ໄດ້ກວດກາ ແລະ ຢຶດໄດ້ແປ້ງນົວປອມ ທີ່ບັນຈຸໃສ່ເປົາ ( ສີເຫຼືອງ-ສີຂາວ ) ໃນລົດບັນທຸກຄັນໜຶ່ງ ທີ່ກໍາລັງຂົນສົງເພື່ອກຽມຈຳໜ່າຍຕາມຮ້ານຄ້າຕ່າງໆ ຈໍານວນ 13 ເປົາ ລວມມີ 1.950 ຖົງ ໃນນີ້ ມີຖົງບັນຈຸຂະໜາດ 500 ກຣາມ ແລະ ຖົງບັນຈຸຂະໜາດ 250 ກຣາມ ລວມມູນຄ່າ 9 ລ້ານກວ່າກີບ.