ພະນັກງານເມືອງຕົ້ນເຜິ້ງ ສາມັກຄີຮ່ວມກັນອອກແຮງປັບປຸງເສັ້ນທາງ ປະຕູໂຂງເຂົ້າເທດສະບານເມືອງ

383

ພະນັກງານເມືອງຕົ້ນເຜິ້ງ ແຂວງ ບໍ່ແກ້ວ ໄດ້ພ້ອມພຽງກັນສ້າງຂະບວນການສ້ອມແປງເສັ້ນທາງ ປະຕູໂຂງເຂົ້າເທດສະບານເມືອງ ເພື່ອຫຼຸດຜ່ອນອຸບັດເຫດ ທັງເປັນການການຄໍານັບຊົມເຊີຍບັນດາວັນສໍາຄັນຂອງຊາດອີກດ້ວຍ.

 ໂດຍປະຕິບັດຕາມທິດຊີ້ນໍາຂອງຄະນະປະຈໍາພັກເມືອງ, ມາໃນວັນທີ 16 ສິງຫາ 2019 ນີ້ ພະນັກຫຼັກແຫຼ່ງອ້ອມຂ້າງເມືອງຕົ້ນເຜິ້ງ ແລະ ປະຊາຊົນໄດ້ຮ່ວມໃຈກັນສ້າງຂະບວນການອອກແຮງງານອະນາໄມຖາງຫຍ້າ, ບົວລະບັດໜານດອນໄມ້ປະດັບຕູໂຂງ ແລະ ປັບປຸງເສັ້ນທາງທີ່ເປ່ເພ ບໍລິເວນປະຕູໂຂງທາງເຂົ້າເທດສະບານເມືອງຕົ້ນເຜິ້ງ ດ້ວຍບັນຍາກາດອັນຄຶກຄື້ນ, ມີຄວາມສາມັກຄີພ້ອມພຽງກັນ.

ທັງນີ້, ກໍ່ເພື່ອເຮັດໃຫ້ເສັ້ນທາງເຂົ້າເທດສະບານເມືອງສາມາດນໍາໃຊ້ໄດ້ຍາວນານ, ມີຄວາມຈົບງາມ, ການສັນຈອນໄປມາສະດວກສະບາຍ, ເພື່ອຫຼີກລ່ຽງບັນຫາອຸບັດເຫດຕາມທ້ອງຖະໜົນ, ທັງເປັນການຄໍານັບຊົມເຊີຍບັນດາວັນສໍາຄັນຂອງຊາດ – ພັກ ເປັນຕົ້ນ ວັນສ້າງຕັ້ງແນວລາວສ້າງຊາດ – ວັນສື່ມວນຊົນ ແລະ ຈັດພິມຈໍາໜ່າຍແຫ່ງຊາດ ຄົບຮອບ 69 ປີ, ວັນລັດຖະທໍາມະນູນແຫ່ງ ສປປ ລາວ ຄົບຮອບ 28 ປີ ແລະ ວັນຍຶດອໍານາດທົ່ວປະເທດຄົບຮອບ 74 ປີ, ທັງເປັນການຄໍານັບຮັບຕ້ອນກອງປະຊຸມໃຫຍ່ 3 ຂັ້ນຂອງພັກອີກດ້ວຍ.