ລ້ານຊ້າງມິເນໂຣນສ໌ລິມິເຕັດ ໄດ້ຄືນນໍ້າມັນ-ຫີນຂຽວ ຫຼັງຖືກລັກໄປ

735

ເມື່ອເດືອນ ກໍລະກົດ ຜ່ານມາ ຢູ່ສະໂມສອນກອງບັນ ຊາການ ປກສ ເມືອງວິລະບູລີ ໄດ້ຈັດພິທີມອບຄືນນ້ຳມັນ, ຫີນຂຽວ (ຫີນແຮ່ທອງ) ແລະ ວັດຖຸຂອງກາງບາງຈຳນວນໜຶ່ງ ທີ່ໄດ້ຈາກການປະຕິບັດວຽກງານການສະກັດກັ້ນປະກົດການຫຍໍ້ທໍ້ ໃນເຂດໂຄງການ ບໍ່ຄຳ-ທອງເຊໂປນ ເມືອງ ວິລະບູີ ເພື່ອຄືນໃຫ້ແກ່ບໍລິສັດ ລ້ານຊ້າງມິເນໂຣນສ໌ລິມິເຕັດ ໂດຍການເປັນກຽດເຂົ້າຮ່ວມ ຂອງ ທ່ານ ທ່ອນແກ້ວ ພຸດທະໄກ ຍະລາດ ຮອງເຈົ້າແຂວງໆສະຫວັນນະເຂດ, ທ່ານ ຄຳຜຸຍ ສີບຸນເຮືອງ ເຈົ້າເມືອງ ວິລະບູລີ, ມີທ່ານ ສະໝານ ອະເນກາ ອຳນວຍການໃຫຍ່ບໍລິສັດລ້ານ ຊ້າງມິເນໂຣນສ໌, ມີຜູ້ຈັດການ ໃຫຍ່ບໍລິສັດຊືເຟີງຈີຫຼົງຂຸດຄົ້ນ ບໍ່ຄຳຈຳກັດ, ຜູ້ຈັດການໃຫຍ່ ຂອງບໍລິສັດລ້ານຊ້າງມີເນ ໂຣນສ໌, ຄະນະກອງບັນຊາການ ປກສ ເມືອງວິລະບູລີ ແລະ ພາກສ່ວນກ່ຽວຂ້ອງເຂົ້າຮ່ວມ.

ກັກລົດຈັກທີ່ດັດແປງສະພາບຈຳນວນ 590 ຄັນ, ລົດໃຫຍ່ຈຳນວນ 6 ຄັນ, ຕໍ່ກັບການແກ້ໄຂຄະດີທີ່ ເກີດຂຶ້ນນີ້, ທາງຄະນະ ປກສ ເມືອງ ໄດ້ທຳການເປີດຊຸດດັດສ້າງສຶກສາອົບຮົມ ແລະ ປ່ອຍຕົວແລ້ວ 225 ຄົນ, ສົ່ງໃຫ້ ປກສ ແຂວງດຳເນີນ 1 ລາຍ, ມີຜູ້ຕ້ອງຫາ 2 ຄົນ, ມີຂອງກາງເປັນຫີນຂຽວ 14 ໂຕນ (ເກັບຮັກສາໄວ້ຢູ່ທີ່ສາງ ປກສ ເມືອງ), ສ່ວນລົດໃຫຍ່ຍີ່ ຫໍ້ກະບະລຸ້ນຟອດເຣນເຈີ້ສີຂາວ 1 ຄັນ, ເງິນກີບທະນາຄານ 102 ລ້ານກີບ, ເງິນດົງຫວຽດນາມ 3,2 ລ້ານດົງ ແມ່ນໄດ້ ສົ່ງໃຫ້ ປກສ ແຂວງສະຫວັນ ນະເຂດແລ້ວ. 

ໃນພິທີ, ທ່ານ ພັທ ບຸນເຫຼືອ ມະນີລາ ຮອງຫົວໜ້າກອງ ບັນຊາການ ປກສ ເມືອງ ວິລະບູລີ ກໍ່ໄດ້ຂຶ້ນຜ່ານບົດລາຍງານຂອງຄະນະກຳມະການ ແກ້ໄຂປະກົດການຫຍໍ້ທໍ້ໃນສັງ ຄົມຂັ້ນເມືອງນັບແຕ່ວັນທີ 1 ມັງກອນ 2019 ວ່າ: ເຊິ່ງນັບແຕ່ວັນທີ 1 ມັງກອນ 2019 ທົ່ວເມືອງມີຄະດີທີ່ເກີດ ຂຶ້ນທັງໝົດ 200 ລາຍ, ສາມາດກັກຕົວຜູ້ກະທຳຜິດໄດ້ 227 ຄົນ, ຍິງ 90 ຄົນ (ເປັນຄົນຕ່າງປະເທດ 2 ຄົນ), ຢຶດຂອງກາງໄດ້ເປັນປະເພດ ຫີນຂຽວນ້ຳໜັກ 23.348 ກິໂລ, ນ້ຳມັນຂຽວ 3.860 ລິດ, ທໍ່ຢາງດຳ 10 ທໍ່.

ສຳລັບເຄື່ອງຂອງກາງທີ່ເກັບກູ້ໄດ້ຈາກການປະຕິບັດວຽກງານສະກັດກັ້ນປະກົດ ການຫຍໍ້ທໍ້ໃນເຂດ ໂຄງການບໍ່ຄຳ-ທອງເຊໂປນ ເມືອງ ວິລະບູລີ ທີ່ໄດ້ມີການມອບ-ຮັບໃນຄັ້ງນີ້ປະກອບມີ: ຫີນຂຽວ ຈຳນວນ 19.348 ກິ​ໂລ, ນ້ຳ ມັນຂຽວ 3.860 ລິດ ແລະທໍ່ ຢາງດໍາ ອີກຈໍານວນ10 ທໍ່

ໃຫ້ກຽດມອບໂດຍທ່ານ ເຈົ້າເມືອງວິລະບູລີແລະ ຮັບ ໂດຍທ່ານຜູ້ຈັດການໃຫຍ່ຂອງບໍລິສັດລ້ານຊ້າງມີເນໂຣນສ໌.