ນໍ້າປະປານະຄອນຫຼວງແຈ້ງ! ກຽມໂຕ່ງນໍ້າໄວ້ໃຊ້ ໄລຍະນີ້ອາດສະໜອງນໍ້າບໍ່ພຽງພໍ

520

ອີງຕາມການລາຍງານຂອງກົມອຸຕຸນິຍົມ ແລະ ອຸທົກກະສາດ ໃນວັນທີ 18 ກໍລະກົດ 2019 ຜ່ານມາ,ປັດຈຸບັນໄດ້ເຮັດໃຫ້ລະດັບນໍ້າຂອງທີ່ນະຄອນຫຼວງວຽງຈັນ ມີລະດັບພໍ້າພຽງ 70 ຊັງຕີແມັດເທົ່ານັ້ນເຮັດໃຫ້ແມ່ນໍ້າຂອງບົກແຫ້ງທີ່ສຸດໃນຮອບ 50 ປີ.

ສະນັ້ນ, ລັດວິສາຫະກິດ ນໍ້າປະປາ ນະຄອນຫຼວງ, ພະແນກໂຍທາທິການ ແລະ ຂົນສົ່ງ, ນະຄອນຫຼວງວຽງຈັນ ໄດ້ອອກແຈ້ງການສະບັບເລກທີ 0755/ນປນຄ ລົງວັນທີ 19 ກໍລະກົດ 2019 ເຖິງພະນັກງານ, ທະຫານ, ຕຳຫຼວດ, ພໍ່ແມ່ປະຊາຊົນ ແລະ ຫົວໜ່ວຍທຸລະກິດ ທີ່ຊົມໃຊ້ນໍ້າປະປາ ໃນນະຄອນຫຼວງຊາບວ່າ: ໃນໄລຍະນີ້ແມ່ນໍ້າຂອງມີລະດັບຕໍ່າແຫ້ງຫຼາຍ ເປັນສາເຫດໃຫ້ໂຮງງານຜະລິດນໍ້າປະປາ ທຳການຜະລິດນໍ້າປະປາ ບໍ່ໄດ້ເຕັມສ່ວນ, ແຕ່ລັດວິສາຫະກິດນໍ້າປະປານະຄອນຫຼວງວຽງຈັນ ຈະເຮັດສຸດຄວາມສາມາດ ເພື່ອໃຫ້ການຜະລິດນໍ້າໃຫ້ເປັນປົກກະຕິ.

ພ້ອມດຽວກັນນັ້ນ, ຂໍຮຽກຮ້ອງໃຫ້ທຸກພາກສ່ວນ ຈົ່ງຊ່ວຍກັນປະຢັດນໍ້າ ແລະ ກະກຽມອຸປະກອນໂຕ່ງນໍ້າໄວ້ໃຊ້ໃຫ້ພຽງພໍ ຈົນກວ່າລະດັບນໍ້າຂອງຈະມາເປັນປົກກະຕິ. ດັ່ງນັ້ນ, ຈຶ່ງແຈ້ງມາຍັງທ່ານ ເພື່ອຊາບ ແລະ ຂໍອະໄພໃນຄວາມບໍ່ສະດວກ ຂອງການບໍລິການນໍ້າປະປາ ໃນໄລຍະນີ້ດ້ວຍ.