ເສດຊິ້ນສ່ວນ ຍານອາວະກາດຂອງຈີນ ຢູ່ 2 ແຂວງ ໂຊກດີບໍ່ມີໃຜໄດ້ຮັບບາດເຈັບ

428

ພາຍຫຼັງທີ່ມີການແຈ້ງເຕືອນ ຈາກກະຊວງໂຍທາທິການ ແລະ ຂົນສົ່ງ ໃຫ້ 5 ແຂວງທາງພາກໃຕ້ ລະວັງ ອາດຈະມີຊິ້ນສ່ວນຈາກກິດຈະການ ການບິນອາວະກາດຂອງ ສປຈີນ ຕົກລົງມາຂອບເຂດບ້ານເຮືອນຂອງຕົນ.

ຫຼ້າສຸດ, ມີລາຍຈາກປະຊາຊົນໃຫ້ຮູ້ວ່າ: ໃນຕອນເຊົ້າເວລາປະມານ 6:30 ໂມງ ຂອງວັນທີ 23 ພຶດສະພາ 2019 ໄດ້ມີເສດຊິ້ນສ່ວນ ຈາກການເຄື່ອນໄຫວກິດຈະການ ການບິນອາວະກາດຂອງ ສປ ຈີນ ຕົກໃສ່ຫຼັງຄາເຮືອນປະຊາຊົນ ແລະ ຕາມເດີ່ນບ້ານ ຢູ່ບ້ານທົ່ງເສັດ ເມືອງປາກຊອ່ງ ແຂວງຈຳປາສັກ ແລະ ຕົກຢູ່ເດີ່ນໂຮງຮຽນ ບ້ານ ໜອງຕົມ ເມືອງ ເລົ່າງາມ ແຂວງ ສະລາວັນ ແຕ່ໂຊກດີບໍ່ມີໃຜໄດ້ຮັບບາດເຈັບ.