ແຈ້ງ!ປັບຂຶ້ນລາຄານໍ້າມັນທົ່ວປະເທດມື້ອື່ນນີ້

774

ເນື່ອງຈາກຕະຫຼາດລາຄານໍ້າມັນໂລກຜັນຜວນ ແລະ ມີການປັບຂຶ້ນ ເຊິ່ງສົ່ງຜົນໃຫ້ປະເທດເຮົາໃນຖານະເປັນປະເທດຜູ້ນຳເຂົ້າ ແລະ ຈຳໜ່າຍຈຶ່ງຕ້ອງປັບຂຶ້ນໄປຕາມ ເຊິ່ງກະຊວງອຸດສາຫະກຳ ແລະ ການຄ້າ ອອກແຈ້ງການ ສະບັບເລກທີ 0273/ອຄ.ກຄພນ ລົງວັນທີ 18 ມີນາ 2019 ເຖິງສາມາຄົມນໍ້າມັນເຊື້ອໄຟ ແລະ ອາຍແກ໊ສ, ບັນດາບໍລິສັດນໍ້າມັນເຊື້ອໄຟໃຫ້ພ້ອມກັນປະຕິບັດລາຄານ້ຳມັນຕາມການປັບໃໝ່ນັບແຕ່ 6:00 ເຊົ້າຂອງວັນທີ 19 ມີນາເປັນຕົ້ນໄປ.

ເຊິ່ງການປັບລາຄາຄັ້ງນີ້ນໍ້າມັນແອັດຊັງພິດເສດ 400 ກີບ/ລິດ, ນໍ້າມັນແອັດຊັງທຳມະດາ 260 ກີບ/ລິດ ແລະ ນໍ້າມັນກາຊວນ 190 ກີບ/ລິດ ແລະ ໄດ້ຫຼຸດຄັງແຮ ນໍ້າມັນແອັດຊັງທຳມະດາ ແລະ ນໍ້າມັນກາຊວນລົງ 100 ກີບ/ລິດ, ຫຼຸດກຳໄລຂາຍຍົກລົງ 30 ກີບ/ລິດ, 30 ກີບ/ລິດ ແລະ 20 ກີບ/ລິດຕາມລໍາດັບ ແລະ ຫຼຸດຄ່າບໍລິການປໍ້າລົງ 30 ກີບ/ລິດ, 30 ກີບ/ລິດ ແລະ 20 ກີບ/ລິດ ຕາມລຳດັບ.

ສຳລັບລາຄານີ້ ແມ່ນໃຫ້ເລີ່ມປະຕິບັດນັບແຕ່ເວລາ 6:00 ໂມງ ຂອງວັນທີ 19 ເປັນຕົ້ນໄປ.