ເປັນແມ່ຄວນຮູ້!! 4 ເລື່ອງຫ້າມເຮັດກັບເດັກເກີດໃໝ່ ຢ່າງເດັດຂາດ

360

ສຳລັບພໍ່ແມ່ມືໃໝ່ ທີ່ຫາກໍ່ມີລູກເປັນຄົນທຳອິດ ເມື່ອເຫັນໜ້າລູກຂອງຕົນເອງແລ້ວ ແນ່ນອນຄວາມປິຕິຍິນດີ ແລະ ຄວາມດີໃຈ ຈະເກີດໜຶ່ງແນ່ນອນ ເນື່ອງຈາກລໍຄອຍມາເປັນເວລາຫຼາຍເດືອນກວ່າລູກນ້ອຍ ຈະອອກມາສູ່ໂລກກວ້າງ. ແຕ່ໃນຄວາມດີໃຈ ກໍ່ຢາກໃຫ້ພໍ່ແມ່ ຫຼື ຄົນອ້ອມຂ້າງຄວນຄໍານຶງເຖິງສິ່ງຕ່າງໆທີ່ບໍ່ຄວນເຮັດຕໍ່ເດັກເກີດໃໝ່ຢ່າງເດັດຂາດ  ເພາະເດັກເກີດໃໝ່ນັ້ນ ສາມາດເກີດອັນຕະລາຍໄດ້ງ່າຍໆກວ່າທີ່ຄິດ ເຊິ່ງມື້ນີ້, ແອັດມິນ ຈະມາບອກ  4 ເລື່ອງ ທີ່ຫ້າມເຮັດໃຫ້ເກີດຂຶ້ນເດັດຂາດກັບເດັກເກີດໃໝ່ ເຊິ່ງຈະມີແນວໃດ ໄປເບິ່ງນຳກັນເລີຍ!!

ບໍ່ຄວນໃຫ້ເດັກເກີດໃໝ່ນອນຫຼັບໃນທ່ານຂວ້ຳ ເພາະການນອນຂວໍ້າ ຈະເຮັດໃຫ້ລູກຮັບປະລິມານອົກຊີເຈນໜ້ອຍກວ່າການທີ່ໃຫ້ລູກນອນຫງາຍ ຫາກລູກນອນຂວໍ້າເປັນເວລາດົນອາດເຮັດໃຫ້ລູກນອນຫຼັບບໍ່ຕື່ນ ຫຼື ໂຣກໄຫຼຕາຍນັ້ນເອງ

ບໍ່ຄວນໃຫ້ຄົນອື່ນຫອມແກ້ມ ຫຼື ຈູບລູກຫຼາຍຈົນເກີນໄປ ເພາະລູກຈະໄດ້ຮັບທັງແບັດທີເຣຍ ແລະ ເຊື້ອໂຣກທີ່ເປັນອັນຕະລາຍຕໍ່ລູກ. ການຈູບ ຫຼື ຫອມຫຼາຍເກີນໄປເປັນສາເຫດໃຫ້ລູກເຈັບປ່ວຍໄດ້ງ່າຍ

ບໍ່ຄວນໃສ່ຜ້າອ້ອມທີ່ເປື້ອນ ຫຼື ປຽກຊຸ່ມເປັນເວລາດົນ ເພາະລູກຈະໄດ້ຮັບແບັດທີເຣຍ ສະນັ້ນ ຈິ່ງຄວນປ່ຽນຜ້າອ້ອມໃຫ້ລູກທຸກໆ 3-4 ຊົ່ວໂມງຕໍ່ຄັ້ງ

ບໍ່ຄວນແຕ່ງຕົວໃຫ້ລູກໜາຫຼາຍຈົນເກີນໄປ ເພາະການໃສ່ເສື້ອໜາເກີນໄປໃຫ້ລູກອາດເຮັດໃຫ້ລູກຮູ້ສຶກບໍ່ສະບາຍຕົວ ເປັນໄຂ້ ແລະ ເຮັດໃຫ້ຮ່າງກາຍຂາດນ້ຳໄດ້