ຣີວິວມືຖື vivo X70 Pro 5G ກ້ອງຂັ້ນເທບ ກັບເລນ ZEISS T*

124

ຫຼັງຈາກຣີວິວ vivo X60 Pro 5G ທີ່ເປັນມືຖືກ້ອງ ZEISS ເຊິ່ງຖືວ່ານີ້ເປັນລຸ້ນທໍາອິດຂອງ vivo ໃນໄລຍະກາງຂອງປີທີ່ຜ່ານມາ ເທື່ອນີ້ນັ້ນທາງ vivo ໄດ້ມີການພັດທະນາຂຶ້ນໂດຍການເພີ່ມ ແລະ ໄດ້ປັບບາງສ່ວນເພື່ອຕໍ່ຍອດຈາກເດີມນັ້ນ ໄດ້ແກ່: vivo X70 Pro 5G ຈະມາພ້ອມກ້ອງຖ່າຍ ZEISS ທີ່ດີຂຶ້ນມາກວ່າເດີມ.

May be an image of phone and text that says 'vivo X70 Series 5G Co-engineered with ZEISS'

vivo X70 Pro 5G ນັ້ນແມ່ນມາດ້ວຍການເຄືອບກ້ອງແບບ ZEISS T* ເຊິ່ງຈະເຮັດໃຫ້ພາບຖ່າຍອອກມານັ້ນເປັນພາບທີ່ມີສີສົດໃສຫຼາຍກວ່າເກົ່າ ແລະ ຍັງສາມາດຖ່າຍຮູບພາບກາງຄືນໄດ້ດີອີກດ້ວຍ ແບບທີ່ບໍ່ມີແສງມາສະທ້ອນໃດໆທັງສິ້ນ ແບບນີ້ເຊື່ອວ່າຈະໄດ້ໃຈບັນດາຜູ້ມັກຮັກໃນການຖ່າຍຮູບເປັນຊີວິດຈິດໃຈຢ່າງແນ່ນອນ.

ມາພ້ອມສະໂລແກນທີ່ວ່າ: Photography Redefined ທີ່ມີຄວາມໝາຍວ່າຈະສາມາດປະຕິບັດວຽກໃນວົງການຖ່າຍຮູບດ້ວຍກ້ອງມືຖື ເຊິ່ງຖືວ່າເປັນສິ່ງໜ້າຕື່ນເຕັ້ນທີ່ສຸດ. ເຖິງແມ່ນວ່າ vivo X70 Pro 5G ເນັ້ນທີ່ກ້ອງຖ່າຍຮູບເປັນຫຼັກ ແຕ່ປະສິດທິພາບດ້ານອື່ນກໍມາຄົບເຊັ່ນກັນ ເປັນຕົ້ນ AMOLED 120Hz ຂະໜາດ 6,56 ນິ້ວ ແລະ ຊິບປະມວນຜົນ Media Tek Dimensity 1200 ຮອງຮັບ 5G ແບບເຕັມທີ່.

May be an image of phone and screen

ລາຄາຢູ່ທີ່ປະມານ 9.799.000 ກີບ, ມີທັງລຸ້ນແຣມ 8GB ແລະ 12GB  ໜ່ວຍຄວາມຈໍາພາຍໃນເປັນແບບ UFS3,1 ຄວາມຈຸ 128GB, 256GB ແລະ 512GB ໂດຍລຸ້ນທີ່ຣີວິວນີ້ແມ່ນເປັນລຸ້ນແຣມ 12GB ຄວາມຈຸ 256GB ສີດຳ Cosmic Black.