ແວ່ນຕາຮູບແບບໃໝ່ໃນອະນາຄົດ ຫຼື ບໍ່?

138

ເມື່ອ HTC ເປີດຕົວ Vive Flow ແວ່ນ VR ຂະໜາດນ້ອຍ ພັບໄດ້ຄືກັບແວ່ນຕາທີ່ມີນ້ຳໜັກເບົາ ເພາະບໍ່ມີແບັດໃນຕົວ.

ແວ່ນຕາ VR ລຸ້ນໃໝ່ Vive Flow ທີ່ມີຂະໜາດນ້ອຍລົງກວ່າເກົ່າ ໜ້າຕາຄືກັບແວ່ນຕາທີ່ພັບຂາໄດ້ ພົກພາສະດວກມີນ້ຳໜັກພຽງ 189 ກຣາມ ແລະ ບໍ່ມີແບັດເຕີຣີໃນຕົວ ຕ້ອງເຊື່ອມຕໍ່ກັບແຫຼ່ງພະລັງງານພາຍນອກ ເຊັ່ນ: ພາວເວີແບັງ ຫຼື ຈ່າຍໄຟຈາກ USB ຂອງໂນດບຸ໊ກ.

ແວ່ນຕາ Vive Flow ບໍ່ໄດ້ເນັ້ນເກມມິ່ງ ແຕ່ເນັ້ນການໃຊ້ງານເພື່ອສຸຂະພາບ Wellness ແລະ ການທຳງານ Mind productivity ຕົວຢ່າງຄືໃຊ້ເພື່ອນັ່ງສະມາທິຮັບຊົມຄອນເສີດ ຫຼື ຮູບເງົາ ເຮັດວຽກແບບບໍ່ມີຄົນລົບກວນໃນໂລກຂອງ VR.

HTC Vive Flow ຍັງບໍ່ມີເຄື່ອງຄວບຄຸມຄືກັບແວ່ນຕະກູນ Vive ອື່ນໆ ແຕ່ໃຊ້ສະມາດໂຟນ ເປັນອຸປະກອນໃນການຄວບຄຸມແທນເຊື່ອມຜ່ານບລູທູດ ຮັບຮອງສະມາດໂຟນທີ່ເປັນ Android P ຂຶ້ນໄປ.

ລາຄາຂາຍຢູ່ທີ່ 499 ໂດລາ ເຊິ່ງມີສະເປັກຂອງ HTC Vive Flow ຄືໜ້າຈໍ 2.1 ຄວາມລະອຽດ 1600×1600 ຕໍ່ຂ້າງ ມຸມມອງ 100 ອົງສາ ຣີເຟຣດເຣຕ 75 Hz ຊີພີຢູບໍ່ມີການລະບຸລຸ້ນ ແຣມ 4GB ສະຕໍເຣຈ 64GB ລະບົບສຽງ Spatial audio.