ປະໂຫຍດຂອງ ມັນດ້າງ ບາງທ່ານອາດຍັງບໍ່ເຄີຍຮູ້

170

ມື້ນີ້ເຮົາຈະພາມາຮູ້ຈັກກັບປະໂຫຍດດີໆຂອງການກິນມັນດ້າງກັນ, ມັນດ້າງເປັນພືດຕະກູນຫົວທີ່ມີຫຼາກຫຼາຍສີ ທັງສີຂາວ, ສີເຫຼືອງ, ສີສົ້ມ ຫຼື ທີ່ຫຼາຍຄົນຄຸ້ນຕາແນ່ກໍຈະເປັນມັນດ້າງສີມ່ວງ ຈັດເປັນອີກໜຶ່ງພືດຫົວທີ່ໄດ້ຮັບຄວາມນິຍົມໃນເລື່ອງຂອງລົດຊາດ ເພາະມັນດ້າງມີລົດສໍາຜັດທີ່ຫວານ ນຸ່ມ ນຳເອົາມາປຸງໄດ້ທັງເມນູຄາວ ແລະ ຫວານ ຫຼື ຈະຕົ້ມກິນແບບສຸກ ຫຼື ແບບຈ້ຳນ້ຳຕານກໍແຊບເຊັ່ນກັນ ແຕ່ນອກຈາກຄວາມແຊບແລ້ວ ມັນດ້າງກໍຍັງເປັນພືດທີ່ມີປະໂຫຍດທາງໂພຊະນາການຢ່າງທີ່ທ່ານບໍ່ຄວນເບິ່ງຂ້າມກັນເລີຍ.

May be an image of food and indoor

ມັນດ້າງອຸດົມໄປດ້ວຍສານອາຫານທີ່ສຳຄັັນຫຼາຍຊະນິດ ໂດຍສະເພາະສານອາຫານຈຳພວກໄຟເບີ ແລະ ວິຕາມິນໃນມັນດ້າງມີວິຕາມິນຫຼາກຫຼາຍ ໄດ້ແກ່: ວິຕາມິນເອ, ວິຕາມິນຊີ, ວິຕາມິນບີ 5, ວິຕາມິນບີ 6, ວິຕາມິນອີ.

ທ່ານຍັງຈະໄດ້ແຮ່ທາດທີ່ມີປະໂຫຍດຊ່ວຍໃນການບຳລຸງຮ່າງກາຍອີກຫຼາຍຊະນິດ ໂດຍສະເພາະແຮ່ທາດດັ່ງຕໍ່ໄປນີ້: ໂພແທສຊຽມ, ແມງການີສ, ທອງແດງ, ໄນອາຊິນ ( Niacin ), ສານຕ້ານອະນຸມູນອິດສະຫຼະ.

ມັນດ້າງຍັງເປັນພືດໄຂມັນໜ້ອຍເຖິງໜ້ອຍຫຼາຍ ໂດຍມັນດ້າງດິບ 100 ກຣາມ ຈະມີປະລິມານໄຂມັນຢູ່ພຽງແຕ່ 0,1 ກຣາມເທົ່ານັ້ນ.

May be an image of food, indoor and text

ປະໂຫຍດຂອງມັນດ້າງ: ບໍາລຸງສາຍຕາ, ຕ້ານມະເຮັງ, ດີຕໍ່ລໍາໄສ້, ຫຼຸດຄວາມສ່ຽງຂອງພາວະຂາດວິຕາມິນເອ, ຄວບຄຸມລະດັບນໍ້າຕານໃນເລືອດ, ຫຼຸດຄວາມດັນເລືອດ.

ຂໍ້ຄວນລະວັງໃນການກິນມັນດ້າງ

ໂດຍທົ່ວໄປແລ້ວມັນດ້າງຖືວ່າເປັນພືດທີ່ມີຄວາມປອດໄພ ສາມາດຮັບປະທານໄດ້ໂດຍບໍ່ມີອັນຕະລາຍ ແຕ່ຜູ້ທີ່ມີອາການແພ້ມັນດ້າງ ເຊິ່ງວ່າຈະພົບໄດ້ໜ້ອຍ ແຕ່ກໍຄວນຫຼີກລ່ຽງເພື່ອປ້ອງກັນບໍ່ໃຫ້ອາການແພ້ກຳເລີບຫຼາຍໄປກວ່ານັ້ນ ມັນດ້າງຍັງມີສານອັອກຊາເລັດ ( Oxalate ) ທີ່ເພີ່ມຄວາມສ່ຽງໃນການເປັນໜິ້ວໝາກໄຂ່ຫຼັງ ຜູ້ທີ່ເປັນພະຍາດໜິ້ວໃນໝາກໄຂ່ຫຼັງ ຫຼື ມີຄວາມສ່ຽງຈະເປັນໜິ້ວໃນໝາກໄຂ່ຫຼັງ ຄວນລະມັດລະວັງ ແລະ ຮັບປະທານມັນດ້າງໃນປະລິມານທີ່ເໝາະສົມ.

May be an image of food

ມັນດ້າງເປັນພືດທີ່ອຸດົມໄປດ້ວຍສານອາຫານທີ່ມີປະໂຫຍດຫຼາກຫຼາຍ ແຕ່ສິ່ງສໍາຄັນທີ່ຕ້ອງບໍ່ລືມກໍຄືວິທີໃນການປຸງແຕ່ງມັນດ້າງທີ່ແຕກຕ່າງກັນ ກໍອາດຈະເຮັດໃຫ້ຄຸນປະໂຫຍດທີ່ຕ່າງກັນ ຫາກປຸງແຕ່ງມັນດ້າງກັບເຄື່ອງປຸງລົດຊາດກໍອາດຈະສ່ຽງທີ່ມັນດ້າງຈະມີໂຊດ້ຽມ ແລະ ນ້ຳຕານໃນປະລິມານສູງໄດ້ ວິທີທີ່ດີທີ່ສຸດເພື່ອໃຫ້ໄດ້ສານອາຫານທີ່ຄົບຖ້ວນຄວນປຸງມັນດ້າງຄືການຕົ້ມແບບທຳມະດາ ຫຼື ຈະເປັນການອົບກໍໄດ້ເຊັ່ນກັນ.

ທີ່ມາ: https://www.sanook.com/health/29753/