ຮຽນ ຫຼື ເຮັດວຽກແນວໃດ ບໍ່ໃຫ້ເສຍແສງຕາ ຈາກຄອມພິວເຕີ

126

ສ່ວນໃຫຍ່ເຮົາມັກຈະຈັບຈ້ອງຢູ່ກັບໜ້າຈໍຄອມພິວເຕີ, ໂທລະສັບມືຖື ແທັບເລັດເປັນເວລາດົນ ແລະ ຕໍ່ເນື່ອງ ອາດຈະສົ່ງຜົນຕໍ່ສຸຂະພາບສາຍຕາ ເຊັ່ນ: ຕາເມື່ອຍລ້າ, ຕາແຫ້ງ, ແສບຕາ, ຕາສູ້ແສງບໍ່ໄດ້, ປວດຫົວ, ປວດຄໍ, ບ່າໄຫຼ່ ຫຼື ທີ່ເອີ້ນກັນວ່າອາການ Computer Vision Syndrome ໄດ້ທີ່ສໍາຄັນ ແລະ ໜ້າເປັນຫ່ວງຫຼາຍຄືແສງສີຟ້າ ( Blue Light ) ເຊິ່ງເປັນຄື້ນແສງພະລັງງານສູງຈາກໜ້າຈໍຕ່າງໆນັ້ນ ຈະເຮັດໃຫ້ກາຍເປັນພະຍາດຈໍປະສາດຕາເສື່ອມໄດ້ຫາກບໍ່ເບິ່ງແຍງ.

May be an image of 3 people and laptop

ຮຽນ ຫຼື ເຮັດວຽກໜ້າຄອມແນວໃດບໍ່ໃຫ້ເສຍແສງຕາ ຄວນປະຕິບັດດັ່ງນີ້

ພັກສາຍຕາດ້ວຍສູດ 20

ເມື່ອເຮົາຈ້ອງຈໍຄອມດົນໆຈະເຮັດໃຫ້ສາຍຕາຂອງເຮົາເກີດອາການເມື່ອຍລ້າ, ຕາແຫ້ງ ເພາະເຮົາຈະຫຼັບຕາໜ້ອຍຫຼາຍ ເມື່ອຈ້ອງເບິ່ງສິ່ງທີ່ເຮົາສົນໃຈ ເຊິ່ງບ່ອນນີ້ອາດຈະເຮັດໃຫ້ເຮົາເກີດອາການແສບຕາ, ປວດຕາ, ນ້ຳຕາໄຫຼໄດ້, ດັ່ງນັ້ນເຮົາຄວນທີ່ຈະໝັ່ນພັກສາຍຕາລະຫວ່າງໃຊ້ໜ້າຈໍດ້ວຍຫຼັກ 20 – 20 – 20 ກໍຄືການລະສາຍຕາ ແລະ ເບິ່ງໄກອອກໄປໄລຍະ 20 ຟຸດ ( 6 ແມັດ ) ໃນທຸກໆ 20 ນາທີ ເປັນເວລາ 20 ວິນາທີ ເຊິ່ງວິທີການນີ້ຈະຊ່ວຍຜ່ອນຄາຍຄວາມເມື່ອຍລ້າຂອງສາຍຕາເຮົາໄດ້ ຫຼື ເມື່ອຕ້ອງເຮັດວຽກດົນໆອາດຈະລຸກຂຶ້ນໄປເຮັດກິດຈະກໍາອື່ນໆເພື່ອປ່ຽນອະລິຍາບົດ.

May be an image of 1 person and eyeglasses

ປັບໄລຍະສາຍຕາສູດ 25

ໂດຍຂັ້ນຕ່ຳຢ່າງໜ້ອຍຕ້ອງຢູ່ຫ່າງຈາກສາຍຕາຂອງເຮົາປະມານ 25 ນິ້ວ ແລະ ອາດຈະຕິດຟີມທີ່ຊ່ວຍກອງແສງສີຟ້າທີ່ໜ້າຈໍຄອມພິວເຕີ, ໂທລະສັບມືຖື ແລະ ແທັບເລັດ ເພື່ອຊ່ວຍຫຼຸດແສງທີ່ຈະມາກະທົບໜ່ວຍຕາຂອງເຮົານຳ.

ຈັດການສະພາບແວດລ້ອມ

ເຮົາຕ້ອງບໍ່ລືມທີ່ຈະປັບແສງສະຫວ່າງພາຍໃນຫ້ອງບໍ່ໃຫ້ມືດເກີນໄປ ແລະ ແສງໜ້າຈໍກໍບໍ່ຄວນປັບໃຫ້ແຈ້ງຫຼາຍເກີນໄປ ລວມໄປເຖິງບັນຍາກາດອ້ອມຂ້າງບໍ່ຄວນນັ່ງບໍລິເວນທີ່ມີລົມຈາກພັດລົມ ຫຼື ແອພັດຖືກບໍລິເວນໜ່ວຍຕາ ເພາະອາດເຮັດໃຫ້ຕາແຫ້ງໄດ້ ຫາກເກີດອາການຕາແຫ້ງສາມາດໃຊ້ນໍ້າຕາທຽມທີ່ມີຄຸນນະພາບເຂົ້າມາຊ່ວຍຫຼຸດຜ່ອນອາການລະຄາຍເຄືອງໜ່ວຍຕາໄດ້.

May be an image of laptop

ໝັ່ນຕີື່ມໂພຊະນາການ

ການເບິ່ງແຍງສຸຂະພາບຈາກພາຍນອກດ້ວຍການປັບປ່ຽນພຶດຕິກຳເປັນສິ່ງທີ່ສຳຄັນທຽບເທົ່າກັບການເບິ່ງແຍງຈາກພາຍໃນດ້ວຍຫຼັກໂພຊະນາການໃນການເລືອກກິນອາຫານທີ່ມີປະໂຫຍດ ໂດຍສະເພາະສານອາຫານເພື່ອການເບິ່ງແຍງສຸຂະພາບໜ່ວຍຕາທີ່ມາຈາກພືດຜັກ, ໝາກໄມ້ຈາກທໍາມະຊາດ ບໍ່ວ່າຈະເປັນວິຕາມິນເອ, ຊີ, ອີ, ເບຕ້າແຄໂຣທີນ, ດີເອັສເອ, ແອນໂທໄຊຍານິນ, ລູທີນ, ຊີແຊນທີນ ເຊິ່ງຈະຊ່ວຍເພີ່ມຄວາມຊຸ່ມຊື່ນປົກປ້ອງໜ່ວຍຕາ ແລະ ຍັງຊ່ວຍໃນການຊະລໍຄວາມເສື່ອມໜ່ວຍຕາໄດ້ນຳ.

ທີ່ສຳຄັນບໍ່ວ່າຈະມີໂພຊະນາການທີ່ດີສໍ່າໃດ ກໍຄວນທີ່ຈະໄປພົບໝໍຕາ ເພື່ອກວດວັດສາຍຕາ ແລະ ສຸຂະພາບໜ່ວຍຕາຢ່າງສະໝ່ຳສະເໝີນຳ.

ທີ່ມາ: https://www.sanook.com/health/30797/