ກິດຈະວັດປະຈໍາວັນຂອງຄົນສຸຂະພາບດີ ມີຫຍັງແດ່?

133

ເຮົາມາກວດສອບນິດໄສ 5 ຂໍ້ຕໍ່ຈາກນີ້ກັນດີກວ່າວ່າທ່ານມີຕິດຕົວ ຫຼື ບໍ່ ເພາະນິດໄສເຫຼົ່ານີ້ຄືປັດໄຈສຳຄັນທີ່ຈະເຮັດໃຫ້ທ່ານມີສຸຂະພາບທີ່ດີ.

1 ຄົນສຸຂະພາບດີຈະເຂົ້ານອນເວລາ 22:00 ໂມງ: ບໍ່ມີຫຍັງທຳລາຍຮ່າງກາຍໄດ້ຫຼາຍກວ່າການນອນຫຼັບພັກຜ່ອນທີ່ບໍ່ພຽງອີກແລ້ວ ແລະ ການນອນຫຼັບນັ້ນຈະຕ້ອງເປັນການນອນທີ່ໄດ້ຄຸນນະພາບໃນເວລາ 7 – 8 ຊົ່ວໂມງ, ຂະນະດຽວກັນຜູ້ຊ່ຽວຊານກໍຕ່າງບອກເປັນສຽງດຽວກັນວ່າ ການເຂົ້ານອນໃນເວລາລະຫວ່າງ 22:00 ໂມງຮອດທ່ຽງຄືນນັ້ນຈະເປັນເວລາທີ່ດີທີ່ສຸດ ເພາະຈະເຮັດໃຫ້ຮ່າງກາຍໄດ້ພັກຜ່ອນຄົບຕາມຊົ່ວໂມງທີ່ຕ້ອງການ ແລະ ເປັນເວລາທີ່ເຮັດໃຫ້ລະບົບຕ່າງໆໃນຮ່າງກາຍໄດ້ສ້ອມແຊມສ່ວນທີ່ຊຸດໂຊມ ແລະ ໄດ້ຜົນອອກມາເປັນຢ່າງດີ.

May be an image of one or more people, twilight and sky

2 ຄົນສຸຂະພາບດີມັກຈະຫາຍໃຈເລິກໆ: ການເຮັດສະມາທິ ຫຼື ການຫາຍໃຈເຂົ້າເລິກໆຊ່ວຍໃຫ້ຮ່າງກາຍຜ່ອນຄາຍທັງສອງຮູບແບບການຫາຍໃຈເລິກໆ ທັງເຂົ້າ ແລະ ອອກ ຢ່າງເປັນຈັງຫວະທີ່ດີນັ້ນຈະຊ່ວຍຫຼຸດຄວາມຄຽດ ຫຼຸດລະດັບນ້ຳຕານໃນເລືອດ ແລະ ຊ່ວຍໃຫ້ລະບົບພູມຄຸ້ມກັນໃນຮ່າງກາຍເຮັດວຽກໄດ້ຢ່າງເຕັມທີ່ ທັງໝົດນີ້ທ່ານບໍ່ຈຳເປັນຕ້ອງຫາຍໃຈເລິກໆຕິດຕໍ່ກັນໝົດມື້ ພຽງແຕ່ເຮັດໃຫ້ໄດ້ຢ່າງໜ້ອຍມື້ລະ 10 ນາທີ ໃນເວລາປະມານ 13:00 ໂມງ – 15:00 ໂມງ ການຫາຍໃຈເລິກໆຈະຊ່ວຍໃນການກະຕຸ້ນຮໍໂມນເພື່ອຊ່ວຍໃຫ້ທ່ານຕື່ນ ແລະ ນອນຢ່າງເປັນເວລາ.

May be an image of 4 people and text

3 ຄົນທີ່ມີສຸຂະພາບດີຈະມີຄວາມສໍາພັນທີ່ດີກັບຄົນອື່ນ: ຄົນທີ່ມີສຸຂະພາບດີຈະມີຄວາມສໍາພັນທີ່ດີກັບຄົນອື່ນ ຈະຮູ້ສຶກມີຄວາມສຸກກັບເລື່ອງງ່າຍໆອ້ອມຕົວ ແລະ ເໜືອສິ່ງອື່ນໃດຈະມີຮ່າງກາຍທີ່ແຂງແຮງ, ທັງນີ້ການໄດ້ໃຊ້ຊີວິດຮ່ວມກັບຄອບຄົວກັບໝູ່ເພື່ອນສະໜິດ ລ້ວນແລ້ວແຕ່ເປັນການຄາຍຄວາມຄຽດຢ່າງໜຶ່ງ ແລະ ນັ້ນຄືຈຸດສຳຄັນທີ່ເຮັດໃຫ້ຄົນສຸຂະພາບດີ ມີໃບໜ້າທີ່ອ່ອນກວ່າໄວສະເໝີ.

May be an image of food and indoor

4 ຄົນສຸຂະພາບດີມັກຈະກິນຖົ່ວ ຫຼື ອັລມອນ: ຖ້າທ່ານສັງເກດດີໆຈະເຫັນວ່າຄົນສຸຂະພາບດີສ່ວນໃຫຍ່ບໍ່ຄ່ອຍກິນເຂົ້າໜົມຈຸກຈິກ ແຕ່ຈະກິນຖົ່ວ ຫຼື ອັລມອນເປັນຂອງວ່າງ ເຊິ່ງປະໂຫຍດຂອງຖົ່ວ ຫຼື ເມັດອັລມອນ ນອກຈາກຈະເປັນຂອງກິນຫຼິ້ນເພື່ອຊ່ວຍຄວບຄຸມນ້ຳໜັກໄດ້ແລ້ວຍັງດີຕໍ່ລະບົບເຜົາຜານອາຫານໃນຮ່າງກາຍ ດີຕໍ່ສຸຂະພາບຂອງສະໝອງຊ່ວຍໃນເລື່ອງຂອງຄວາມຈື່ຈຳ, ດັ່ງນັ້ນຄົນທີ່ກິນຖົ່ວ ຫຼື ອັລມອນເປັນປະຈໍາມັກຈະມີສຸຂະພາບທີ່ດີ ແລະ ບໍ່ຄ່ອຍມີບັນຫາໃນເລື່ອງຂັບຖ່າຍ.

May be an image of 5 people, people standing and indoor

5 ຄົນທີ່ສຸຂະພາບດີມັກຈະຮູ້ວ່າການນັ່ງຢູ່ລ້າໆບໍ່ເກີດປະໂຫຍດ: ການອອກກຳລັງກາຍຢ່າງສະໝ່ຳສະເໝີຈະຊ່ວຍໃຫ້ມີສຸຂະພາບທີ່ແຂງແຮງ ແຕ່ກໍບໍ່ແມ່ນກັບທຸກຄົນທີ່ຈະເຂົ້າຟິດເນັດ ແລະ ອອກກໍາລັງກາຍຈົນເປັນນິດໄສ ແຕ່ຄົນທີ່ສຸຂະພາບດີຮູ້ດີວ່າ ການນັ່ງຢູ່ດົນໆກໍບໍ່ສົ່ງຜົນທີ່ດີຕໍ່ຕົນເອງ ການຍ່າງໄປ – ມາໃນບ່ອນເຮັດວຽກເພື່ອຜ່ອນຄາຍ ຫຼື ໃຊ້ຄັນໄດແທນລິບກໍສາມາດເຮັດໃຫ້ທ່ານບໍ່ເປັນຄົນຂີ້ຄ້ານ ນັັ່ງຕຸ້ຍຢູ່ກັບຕັ່ງໄດ້ເຊັ່ນກັນ.

ທີ່ມາ: https://www.sanook.com/health/30801/