ຂົ້ວໝີ່ຊົ້ວເຫັດຫອມເຈ ເທສະການກິນເຈ ຕ້ອງລອງຈັກຄັ້ງ

73

ສະຖານະການປັດຈຸບັນຍັງໜ້າເປັນຫ່ວງ ຖ້າຈະໃຫ້ທຸກຄົນອອກໄປເລາະຫາຊື້ອາຫານເຈກິນອາດມີຄວາມສ່ຽງຕິດເຊື້ອໂຄວິດ-19 ມື້ນີ້ຜູ້ຂຽນເອງກໍເລີຍໄປຊອກຫາສູດອາຫານເຈມາຕ້ອນແຟນຂ່າວທີ່ກຳລັງຄິດຫາເມນູເຈກິນເຈໃນປີນີ້ ເຮັດໄດ້ງ່າຍໆ ແຖມບໍ່ຈຳເຈອີກ ພ້ອມແລ້ວເຮົາໄປເຮັດກິນກັນເລີຍ.

May be an image of chow mein, noodles and indoor

ສ່ວນປະສົມ: ເສັ້ນໝີ່ຊົ້ວ ( ນຳໄປລວກ ) 300 – 500 ກຣາມ; ຜັກລວມ ( ຕາມມັກ ); ເຫັດຫອມຊອຍ ( ແຊ່ນ້ຳກ່ອນ ) 5 – 6 ດອກ; ໂປຣຕິນເຈ ( ແຊ່ນ້ຳແລ້ວ ) 200 ກຣາມ; ສະອິວຂາວ 2 ບ່ວງແກງ; ຊັອດເຫັດຫອມເຈ 2 ບ່ວງແກງ; ຜົງປຸງລົດເຫັດຫອມ 1 ບ່ວງຊາ; ນ້ຳຕານ 1 – 2 ບ່ວງຊາ; ນ້ຳມັນພືດ 2 – 3 ບ່ວງແກງ.

ວິທີເຮັດ

1 ລວກເສັ້ນໝີ່ຊົ້ວ ແລະ ລວກຜັກລວມກຽມໄວ້.

2 ຈາກນັ້ນກໍໍນໍາເອົາເຫັດຫອມທີ່ແຊ່ຊອຍແລ້ວກັບໂປຣຕິນເຈທີ່ແຊ່ນໍ້າ ເອົາໄປຂົ້ວໃນໝໍ້ກະທະ ໂດຍໃສ່ນ້ຳມັນພືດເລັກໜ້ອຍຂົ້ວໄປຈັກໜ້ອຍກໍໃສ່ເຄື່ອງປຸງລົດເຈ ຂົ້ວໃຫ້ເຂົ້າກັນດີແລ້ວກໍນໍາເອົາຜັກລວກໄວ້ນັ້ນມາຂົ້ວໃຫ້ເຂົ້າກັນຕື່ມນ້ຳໃສ່ເລັກໜ້ອຍ.

3 ຈາກນັ້ນກໍໃສ່ເສັ້ນໝີ່ຊົ້ວທີ່ລວກໄວ້ລົງໄປ ຂົ້ວໃຫ້ເຄື່ອງປຸງຕ່າງໆເຂົ້າກັນ ແລ້ວກໍຊີມລົດຊາດຕາມມັກ ພຽງເທົ່ານີ້ອາຫານເຈກໍແຊບແບບບໍ່ຈຳເຈແລ້ວ ຕັກໃສ່ຈານໄດ້ເລີຍ.

ທີ່ມາ: https://cooking.kapook.com/view247479.html