ເມນຸສຸຂະພາບ ຈືນໄຂ່ສະໝຸນໄພ ພ້ອມວິທີຫູງເຂົ້າສະໝຸນໄພ

145

ເມນູມື້ນີ້ກໍຄືຈືນໄຂ່ສະໝຸນໄພ ແລະ ມາພ້ອມກັບເຂົ້າຫູງສະໝຸນໄພທີ່ກິນຄູ່ກັນແລ້ວແມ່ນດີຍົກກຳລັງສອງກັນໄປເລີຍ ພ້ອມແລ້ວເຮົາໄປເຮັດກິນກັນເລີຍ.

May be an image of food

ສ່ວນປະສົມຈືນໄຂ່ສະໝຸນໄພ ມີ: ໄຂ່ໄກ່ 2 – 3 ໜ່ວຍ, ສະອິວຂາວ 1 ບ່ວງຊາ, ນໍ້າປາ 1 ບ່ວງຊາ, ໝາກເຫຼ່ນ, ຫອມບົ່ວແດງ, ຫອມບົ່ວໃຫຍ່ ແລະ ຫອມບົ່ວໃບ.

ວິທີການເຮັດຈືນໄຂ່

ຂັ້ນຕອນທຳອິດເຮົາຈະມາກຽມໄຂ່ ຕອກລົງໃສ່ພາຊະນະສ່ວນປະສົມແລ້ວກໍປຸງລົດຊາດ ຕາມດ້ວຍໃສ່ຜັກສະໝຸນໄພຕ່າງໆທີ່ໄດ້ກ່າວມາຂ້າງເທິງລົງໄປ.

ຈາກນັ້ນເຮົາກໍຕີສ່ວນປະສົມຕ່າງໆໃຫ້ເຂົ້າກັນດີ.

ວິທີການຈືນໄຂ່ໃຫ້ຟູນຸ້ມແຊບທັນທີ ເຮົາຈະເລີ່ມດ້ວຍການໃຊ້ໄຟປານກາງ ຖ້າໃຫ້ນໍ້າມັນຮ້ອນແຮງ ສັງເກດໄດ້ວ່າເລີ່ມມີຄວັນຂຶ້ນເລັກໜ້ອຍ.

ແລ້ວເຮົາກໍຄ່ອຍໆເທໄຂ່ລົງໄປຈືນ ໄຂ່ຂອງເຮົາກໍຈະຟູທັນທີ, ຈາກນັ້ນເຮົາກໍຈືນຈົນມັນເຫຼືອງສຸກກໍຕັກອອກມາໃສ່ຈານໄດ້.

ພຽງເທົ່ານີ້ກໍພ້ອມຮັບປະທານໄດ້ເລີຍ ຮັບຮອງວ່າແຊບ ໄດ້ປະໂຫຍດພ້ອມອີກ.

ຫຼັງຈາກທີ່ເຮົາໄດ້ຈືນໄຂ່ແຊບໆໄປແລ້ວ ເຮົາກໍຕ້ອງມີເຂົ້າຫອມໆ ຮ້ອນໆ ແລະ ມີປະໂຫຍດເສີມຕື່ມອີກ ບອກໄດ້ເລີຍວ່າດີຍົກກຳລັງສອງກັນໄປເລີຍ ບໍ່ລໍຊ້າເຮົາໄປຫູງເຂົ້າສະໝຸນໄປກິນຄູ່ກັບຈືນໄຂ່ກັນດີກວ່າ.

May be an image of food

ສ່ວນປະສົມເຂົ້າຫູງສະໝຸນໄພ ມີ: ເຂົ້າສານຈ້າວຕາມຄວາມມັກ 1 – 2 ຖ້ວຍ, ຂີງ 5 ປ່ຽງ, ຂ່າ 5 ປ່ຽງ, ກະຊາຍ 5 ອັນ, ໃບຂີ້ຫູດ 5 ໃບ ແລະ ນໍ້າດື່ມສະອາດ.

ວິທີຫູງ

ລ້າງເຂົ້າໃຫ້ສະອາດດີ ແລ້ວກໍນຳເອົາສະໝຸນໄພທີ່ຊອຍກຽມໄວ້ນັ້ນລົງໄປໃສ່ໃນໝໍ້ຫູງເຂົ້າ.

ໃສ່ນ້ຳແລ້ວກໍນຳໄປຫູງໄດ້ເລີຍ.

ແລ້ວກໍລໍຖ້າໃຫ້ເຂົ້າສຸກ ພຽງເທົ່ານີ້ເຮົາກໍໄດ້ເຂົ້າສະໝຸນໄພເອົາໄປກິນກັບອາຫານທີ່ເຮົາຕ້ອງການໄດ້ເລີຍ.

ທີ່ມາ: https://cooking.kapook.com/view246290.html