ເຂົ້າໄຣເບີຣີຜັດປານິນ ເມນູສຸຂະພາບ

96

ເມນູເຂົ້າໄຣເບີຣີຜັດປານິນ ນໍາເອົາປາມາຊອຍເປັນຕ່ອນແລ້ວເອົາໄປຈືນຈົນສຸກກອບ ຕໍ່ມາກໍຜັດເຂົ້າກັບຜັກສີສັນຕ່າງໆ ປຸງລົດຊາດຕາມມັກແລ້ວໃສ່ປາຈືນລົງໄປຄົນພໍເຂົ້າກັນ ກ່ອນເສີມໂຮຍເມັດໝາກມ່ວງຫິມະພານ ແລະ ເມັດດອກຕາເວັນ.

May be an image of food and indoor

ສ່ວນປະສົມມີ: ປານິນຊອຍລູກເຕົ໋າ 100 ກຣາມ, ເກືອ, ພິກໄທປົ່ນ, ແປ້ງຈືນກອບສຳເລັດຮູບ, ນ້ຳມັນພືດສຳລັບຈືນ, ກະທຽມສັບ 1 ບ່ວງຊາ, ນ້ຳມັນໝາກກອກ 1 – 1/2 ບ່ວງຊາ, ກະຣົດຊອຍເຕົ໋າ 1 ບ່ວງແກງ, ບລັອກໂຄຣີ 1 ບ່ວງແກງ, ໝາກອຶຊອຍເຕົ໋າ 1 ບ່ວງແກງ, ເຂົ້າໄຣເບີຣີຫູງສຸກ ¾ ຖ້ວຍ, ຊັອດເຫັດຫອມ 2 ບ່ວງຊາ, ສະອິວຂາວ ½ ບ່ວງຊາ, ນ້ຳຕານຊາຍ ¼ ບ່ວງຊາ, ເມັດໝາກມ່ວງຫິມະພານຈືນ 6 – 7 ເມັດ, ເມັດດອກຕາເວັນ 1 ບ່ວງຊາ, ນ້ຳປາປະສົມນ້ຳໝາກນາວ ແລະ ໝາກເຜັດຂີ້ໜູ.

May be an image of food

ວິທີເຮັດ

ໂຮຍເກືອ ແລະ ພິກໄທປົ່ນໃສ່ຊີ້ນປາແລ້ວນໍາໄປຄຸກກັບແປ້ງຈືນກອບພໍທົ່ວ ນໍາລົງໄປຈືນໃນນໍ້າມັນດ້ວຍໄຟກາງຈົນສຸກເຫຼືອງ ຕັກຂຶ້ນມາສະເດັດນ້ຳມັນກຽມໄວ້.

ຈຽວກະທຽມກັບນໍ້າມັນໝາກກອກພໍເຫຼືອງຫອມ ໃສ່ກະຣົດ, ບລັອກໂຄຣີ້, ໝາກອຶ ແລະ ເຂົ້າໄຣເບີຣີ ລົງໄປຜັດຄ່ອຍໆໃຫ້ເຂົ້າກັນ.

ປຸງລົດຊາດດ້ວຍຊັອດເຫັດຫອມ, ສະອິວ, ນໍ້າຕານຊາຍ, ເກືອ ແລະ ພິກໄທປົ່ນຜັດໃຫ້ເຂົ້າກັນ.

ໃສ່ປາຈືນລົງໄປຄົນຄ່ອຍໆໃຫ້ເຂົ້າກັນ ກໍເປັນອັນພ້ອມຕັກໃສ່ຈານ ໂຮຍເມັດໝາກມ່ວງຫິມະພານ ແລະ ເມັດດອກຕາເວັນ ເສີມຄູ່ກັບໝາກເຜັດນ້ຳປາໄດ້ເລີຍ.

ທີ່ມາ: https://cooking.kapook.com/view231603.html