ເມນູຂອງຫວານເຂົ້າໜົມປັງໄສ້ກອກພາມາຊານຊີສ

118

ມື້ນີ້ຈະເອົາວິທີການເຮັດເມນູເຂົ້າໜົມປັງພາມາຊານຊີສໄສ້ກອກດ້ວຍການເອົາແປ້ງຄຸກເຄົ້າຊີສຈົນທົ່ວແລ້ວໂປະໄສ້ກອກໃສ່ດ້ານເທິງ ລາດດ້ວຍມາຢອງເນສ ແລະ ກໍນຳເອົາໄປອົບຈົນສຸກ ເວົ້າສຸດແລ້ວເຮົາໄປເລີ່ມເຮັດກັນເລີຍ.

May be an image of dessert and indoor

ສ່ວນປະສົມ: ແປ້ງເຂົ້າໜົມປັງ 250 ກຣາມ; ນົມຜົງ 20 ກຣາມ; ນໍ້າຕານຊາຍ 35 ກຣາມ; ຢີສ 1 ບ່ວງຊາ; ເກືອ ½ ບ່ວງຊາ; ນໍ້າມັັນຮໍາເຂົ້າ 20 ກຣາມ; ນໍ້າ 90 ມິນລີລິດ; ກິ່ນວານິລາ ½ ບ່ວງຊາ; ໄຂ່ໄກ່ ( ເບີ2 ) 1 ໜ່ວຍ; ໄສ້ກອກ; ພາມາຊານຊີສຂູດ; ມາຢອງເນສ.

May be an image of indoor

ວິທີເຮັດ

ໃສ່ແປ້ງເຂົ້າໜົມປັງ, ນົມຜົງ, ນ້ຳຕານຊາຍ, ຢີສ, ເກືອ, ນ້ຳມັນຮຳເຂົ້າ, ນ້ຳ ແລະ ກິ່ນວານິລາ.

ຈາກນັ້ນຕີຈົນເນື້ອນຽນປະມານ 15 ນາທີ ແປ້ງໄດ້ທີ່ແລ້ວຈະສາມາດຂຶງອອກເປັນແຜ່ນບາງຢືດ.

ແລ້ວກໍເອົານຳມາຮວບຕຶງເປັນກ້ອນມົນ ພັກແປ້ງໄວ້ປະມານ 30 ນາທີ ຫາ 1 ຊົ່ວໂມງ ຫຼື ຈົນກວ່າແປ້ງຈະຟູຂຶ້ນເປັນສອງເທົ່າ.

ພໍຄົບເວລາແລ້ວເຮົາກໍຊົກໄລ່ລົມ ນວດແປ້ງປະມານ 1 – 2 ນາທີ ພໍແປ້ງຂຶ້ນຟູແລ້ວແບ່ງແປ້ງເປັນ 8 ສ່ວນເທົ່າໆກັນ ກິ້ງໃຫ້ເປັນກ້ອນມົນໆແລ້ວພັກແປ້ງໄວ້ອີກ 10 ນາທີ.

May be an image of food and indoor

ຈາກນັ້ນກໍເອົາມາລີດໃຫ້ເປັນແຜ່ນວົງມົນ.

ທາໄຂ່ໄກ່ ແລ້ວກໍເອົາໄປຄຸກໃສ່ພາມາຊານຊີສ ພັກໄວ້ໃຫ້ຂຶ້ນຟູປະມານ 80%.

ພໍແປ້ງຟູກໍໃຫ້ເອົາໄສ້ກອກກົດລົງໄປທາງກາງຂອງແປ້ງແລ້ວລາດມາຢອງເນສໃສ່.

ຈາກນັ້ນກໍນຳເອົາໄປອົບທີ່ອຸນຫະພູມ 175 ອົງສາ ໃຊ້ໄຟເທິງ – ລຸ່ມ ເປັນເວລາ 25 – 30 ນາທີ.

ສຸກແລ້ວກໍນຳອອກມາວາງຈັດໃສ່ຈານເພີ່ມມາຢອງເນສອີກເລັກໜ້ອຍກໍເປັນອັນພ້ອມເສີບໄດ້ເລີຍ.

May be an image of food

ທີ່ມາ: https://cooking.kapook.com/view247519.html