ເຄັກກ້ວຍຫອມ ກະທິສົດ ສູດເຈ

116

ເມນູເຄັກກ້ວຍຫອມ ກະທິສົດ ສູດເຈ ເປັນເມນູທີ່ທ່ານສາມາດເຮັດໄດ້ທັງແບບໃຊ້ເຕົາແກັສ ແລະ ເຕົາອົບເຮັດໄດ້ແບບງ່າຍໆບໍ່ຕ້ອງໃຊ້ເຄື່ອງຕີ ພຽງແຕ່ຄົນໃຫ້ເຂົ້າກັນຈະບອກວ່າໂຕເນື້ອເຄັກນຸ້ມແຮງ ເຊື່ອວ່າທຸກເຮືອນເຮັດກິນເອງໄດ້ຢ່າງແນ່ນອນ.

May be an image of cupcake and indoor

ສ່ວນປະສົມມີ:

ກ້ວຍຫອມ 370 ກຣາມ ( 2 ໜ່ວຍໃຫຍ່ ), ນໍ້າໝາກນາວ 2 ບ່ວງຊາ, ນໍ້າກະທິ 80 ມິນລີລິດ, ເກືອ ¼ ບ່ວງຊາ, ນໍ້າຕານຊາຍ 110 ກຣາມ, ນໍ້າມັນດອກຕາເວັນ 50 ກຣາມ, ແປ້ງສາລີອະເນກປະສົງ 180 ກຣາມ, ເບກກິ້ງໂຊດາ 1 ບ່ວງຊາ, ຜົງຟູ 1 ບ່ວງຊາ, ທັອບປິ້ງ ( ໃສ່ໄດ້ຕາມມັກ ຫຼື ຈະບໍ່ໃສ່ກໍໄດ້ ) ປະກອບມີ: ກ້ວຍຫອມ, ອັລມອນ, ບລູເບີຣີ ແລະ ຊັອກໂກແລັດ.

ວິທີເຮັດ

ບົດກ້ວຍໃຫ້ລະອຽດ ( ຖ້າໃຊ້ກ້ວຍສຸກງອມ ເປືອກສີດຳໆຈະຍິ່ງຫອມ ແຕ່ໃນສູດກ້ວຍບໍ່ຄ່ອຍສຸກງອມ ຕ້ອງຊອຍເພື່ອໃຫ້ບົດງ່າຍຂຶ້ນ ) ໃສ່ນໍ້າໝາກນາວຄົນໃຫ້ເຂົ້າກັນ.

ໃສ່ກະທິສົດ, ເກືອ ແລະ ນໍ້າຕານຊາຍຄົນປະສົມໃຫ້ເຂົ້າກັນ.

ໃສ່ນັ້ນມັນດອກຕາເວັນ ແລ້ວຄົນໃຫ້ເຂົ້າກັນ ພັກປະໄວ້.

ປະສົມແປ້ງກັບເບກກິ້ງໂຊດາ ແລະ ຜົງຟູ ຫຼັງຈາກນັ້ນຮ່ອນສ່ວນປະສົມລົງຊາມພາຊະນະປະສົມ.

ຄົນໃຫ້ເຂົ້າກັນແລ້ວຕັກໃສ່ຖ້ວຍເຈ້ຍຈີບເບີ 3219 ເກືອບເຕັມຖ້ວຍ ເພື່ອເພີ່ມຄວາມເປັນຕາແຊບ ສາມາດແຕ່ງໜ້າດ້ວຍທັອບປິ້ງຕາມມັກ.

​​ສຳລັບເຕົາອົບໃຫ້ນຳເຂົ້າເຕົາອົບຢູ່ທີ່ອຸນຫະພູມ 190 ອົງສາ ໃຊ້ໄຟເທິງ – ລຸ່ມ ປະມານ 30 ນາທີ ( ແລ້ວແຕ່ເຕົາຂອງແຕ່ລະເຮືອນ ).

ເຂົ້າໜົມທີ່ອົບດ້ວຍເຕົາອົບ ອົບແລ້ວແປ້ງຈະຟູນຸ້ມແຮງ.

​​ສຳລັບອົບໃນເຕົາແກັສແມ່ນໃຫ້ນຳຕະແກງວາງລົງໃນໝໍ້ ຫຼັງຈາກນັ້ນນຳພິມເຄັກລົງໄປວາງ ປິດຝາ ເປີດໄຟອ່ອນ ໃຊ້ເວລາປະມານ 30 ນາທີ ( ແລ້ວແຕ່ເຕົາເຊັ່ນກັນ ເປີດເບິ່ງໄດ້ວ່າເຂົ້າໜົມເຫຼືອງງາມແລ້ວ ຫຼື ບໍ່ ).

​​ການອົບດ້ວຍເຕົາແກັສໃນໝໍ້ແກງ ແປ້ງນຸ້ມຟູບໍ່ຕ່າງກັນເລີຍ.

May be an image of dessert and indoor

ທີ່ມາ: https://cooking.kapook.com/view247468.html