ເຮັດເຂົ້າໜົມກິນໄລຍະລັອກດາວ ເຂົ້າໜົມປັງຊີສໜ້າໄໝ້ ແລະ ຊີສເຄັກໜ້າໄໝ້

126

ມາເລີ່ມຕົ້ນດ້ວຍເມນູຂອງຫວານທຳອິດກັນເລີຍ ນັັ້ນກໍຄື ຊີສເຄັກໜ້າໄໝ້ ທີ່ເຮັດກິນໄດ້ຕະຫຼອດແບບບໍ່ເບື່ອ ສູດນີ້ເຮັດໃສ່ພິມຊົງມົນນ້ອຍ ຂະໜາດພໍດີກິນສຳລັບໜຶ່ງຄົນ ບອກເລີຍວ່າແຊບ ເນື້ອສໍາຜັດນຽນນຸ່ມບໍ່ລໍຊ້າໄປເລີ່ມເຮັດກັນເລີຍ.

May be an image of cupcake and indoor

ສ່ວນປະສົມ ( ສຳລັບ 5 ອັນນ້ອຍ ) ປະກອບມີ: ຄຣີມຊີສ 150 ກຣາມ, ນ້ຳຕານ 50 ກຣາມ, ກິ່ນວານິລາ ¼ ບ່ວງແກງ, ວິບປິ້ງຄຣີມ 60 ກຣາມ, ໄຂ່ໄກ່ ( ເບີ 2 ) 1 ໜ່ວຍ ແລະ ແປ້ງສາລີ 1 ບ່ວງຊາ.

ວິທີເຮັດ

1 ກຽມພິມຄັບເຄັກໂດຍປົກດ້ວຍເຈ້ຍຮອງອົບ.

2 ເອົາຄຣີມຊີສ ແລະ ນໍ້າຕານໃສ່ລົງໄປໃນພາຊະນະປະສົມ ຄົນປະສົມໃຫ້ເຂົ້າກັນ.

3 ໃສ່ກິ່ນວານິລາ ແລະ ວິບປິ້ງຄຣີມລົງໄປປະສົມແລ້ວຕີໃຫ້ເຂົ້າກັນ.

4 ຕອກໄຂ່ລົງໄປກັບຄຣີມຊີສ ຕີໃຫ້ເຂົ້າກັນໃສ່ແປ້ງສາລີແລ້ວກໍປະສົມໃຫ້ເຂົ້າກັນດີ.

5 ຈາກນັ້ນເອົາສ່ວນປະສົມທີ່ປະສົມແລ້ວເທລົງໃສ່ພິມທີ່ກຽມໄວ້ຕັ້ງແຕ່ຕົ້ນ ເອົາໄປອົບທີ່ອຸນຫະພູມ 225 ອົງສາ ປະມານ 23 – 25 ນາທີ ຫຼັງຈາກສຸກແລ້ວເອົາອອກມາປະໃຫ້ເຢັນ ແລະ ນໍາໄປແຊ່ໃນຕູ້ເຢັນປະມານ 1 ຊົ່ວໂມງ ກ່ອນນຳໄປເສີບ.

ຮຽບຮ້ອຍໄປແລ້ວກັບໜຶ່ງເມນູ ຕໍ່ມາອີກເມນູໜຶ່ງນັ້ນກໍຄືເຂົ້າໜົມປັງໜ້າຊີສໄໝ້ ໃສ່ເນີຍສົດກັບນໍ້າເຜິ້ງທີ່ຂາດບໍ່ໄດ້ຄືເຊດດາຊີສ ຢາກຈະບອກວ່າລະມຸນແຮງ ເພາະຄວາມຫວານຂອງນ້ຳເຜິ້ງ ແລະ ຄວາມເຄັມຂອງເຊດດາຊີສມັນເຂົ້າກັນ ແຖມຫອມເນີຍສົດ ບອກໄດ້ເລີຍວ່າກິນໄດ້ເລື້ອຍໆແນ່ນອນ ພ້ອມແລ້ວເຮົາໄປເຮັດກິນກັນຕໍ່ດີກວ່າ.

ສ່ວນປະສົມມີ: ເຊດດາຊີສ 2 ແຜ່ນ, ວິບປິ້ງຄຣີມ 30 ມິນລີລິດ, ນ້ຳເຜິ້ງ 15 ກຣາມ, ເນີຍສົດລົດເຄັມ 30 ກຣາມ ແລະ ເຂົ້າໜົມປັງ 4 ແຜ່ນ.

May be an image of food

ວິທີເຮັດ

1 ເລີ່ມທໍາອິດເຮົາຈະນໍາເອົາເນີຍສົດລົດເຄັມ, ເຊດດາຊີສ, ນໍ້າເຜິ້ງ ແລະ ວິບປິ້ງຄຣີມລົງໄປໃນພາຊະນະໄປຕຸ໋ນເທິງໝໍ້ນ້ຳຮ້ອນ ຄົນຈົນທຸກຢ່າງລະລາຍເຂົ້າກັນ.

2 ຈາກນັ້ນກໍເອົາສ່ວນປະສົມທີ່ຕຸ໋ນມາທາໃສ່ແຜ່ນເຂົ້າໜົມປັງແລ້ວກໍນໍາເອົາໄປອົບຢູ່ອຸນຫະພູມ 200 ອົງສາ ໃຊ້ໄຟເທິງ – ລຸ່ມເປັນເວລາ 8 – 10 ນາທີ ກໍສາມາດພ້ອມເສີບຄວາມແຊບລະມຸນໄດ້ເລີຍ.

ທີ່ມາ: https://cooking.kapook.com/view246872.html