ເມນູງ່າຍໆ ໝູທອດນ້ຳປາ ກອບ ຫອມ ແຊບ

89

ມື້ນີ້ຜູ້ຂຽນຈະມານຳສະເໜີສູດອາຫານທີ່ສາມາດເຮັດກິນເອງໄດ້ ແລະ ຍັງສາມາດນໍາໄປຕໍ່ຍອດເຮັດຂາຍກໍດີ ວັດຖຸດິບກໍຫາໄດ້ງ່າຍ ຂັ້ນຕອນບໍ່ຫຍຸ້ງຍາກ ແລະ ທີ່ສຳຄັນກອບແຊບ ຖືກປາກທຸກຄົນແນ່ນອນ ກັບເມນູ “ ໝູທອດນ້ຳປາ ” ທີ່ສໍາຄັນເຮົາມີເຕັກນິກໃນການບໍ່ເຮັດໃຫ້ນໍ້າມັນແຕກ ແລະ ບໍ່ເຮັດໃຫ້ໝູຕິດໝໍ້ໃນເວລາຈືນພ້ອມ.

May be an image of food

ສ່ວນປະກອບ: ໝູສາມຊັ້ນ 500 ກຣາມ; ນ້ຳປາ 3 – 4 ບ່ວງແກງ; ພິກໄທບົດເລັກໜ້ອຍ; ຜົງປຸງລົດເລັກໜ້ອຍ;ແປ້ງຈືນກອບ 5 – 7 ບ່ວງແກງ; ໄຂ່ໄກ່ 1 ໜ່ວຍ; ນ້ຳເຢັນ; ນ້ຳມັນສຳລັບຈືນ; ນ້ຳສົ້ມສາຍຊູ ½ ບ່ວງແກງ; ເກືອເລັກໜ້ອຍ.

ວິທີເຮັດໝູທອດນ້ຳປາ

1 ຂັ້ນຕອນທໍາອິດໃຊ້ສ້ອມຈິ້ມໝູສາມຊັ້ນໃຫ້ທົ່ວ ແລ້ວນໍາໄປໝັກກັບນໍ້າປາ, ພິກໄທບົດ ແລະ ຜົງປຸງລົດຊາດໃສ່ແປ້ງຈືນກອບ ແລະ ໄຂ່ລົງໄປເອືອບໃຫ້ເຂົ້າກັນດີໃນລະຫວ່າງທີ່ຄົນໃຫ້ຕື່ມນ້ຳລົງໄປເອືອບໄປນຳ, ຈາກນັ້ນປະໄວ້ 30 ນາທີ.

2 ກຽມໝໍ້ກະທະຈືນໝູ ໂດຍໃສ່ນໍ້າມັນລົງໄປໃນໝໍ້ ກະໃຫ້ຖ້ວມຕ່ອນໝູຂອງເຮົາ ໃສ່ນໍ້າສົ້ມສາຍຊູ ແລະ ເກືອເລັກໜ້ອຍລົງໃນນ້ຳມັນ ( ເພື່ອປ້ອງກັນບໍ່ໃຫ້ນ້ຳມັນແຕກ ແລະ ບໍ່ໃຫ້ໝູຕິດໝໍ້ໃນຂະນະຈືນ ).

3 ໃສ່ໄຟແຮງພໍນໍ້າມັນຮ້ອນກໍນໍາເອົາໝູທີ່ເອືອບໄວ້ນັ້ນລົງໄປຈືນຈົນໃຫ້ໝູປ່ຽນເປັນສີເຫຼືອງອົມນໍ້າຕານໜ້ອຍໜຶ່ງ ກໍສາມາດຕັກຂຶ້ນມາພັກສະເດັດນ້ຳມັນໄດ້ເລີຍ.

4 ຈາກນັ້ນກໍນໍາເອົາໝູທອດນໍ້າປາມາສັບໃຫ້ເປັນຕ່ອນພໍດີຄໍາ ຈັດໃສ່ຈານພ້ອມເສີບກິນກັບເຂົ້າໜຽວຮ້ອນໆ ຫຼື ຕຳໝາກຫຸ່ງແຊບໆເຂົ້າກັນສຸດໆ.

ທີ່ມາ: https://cooking.kapook.com/view202072.html