ເມນູອາຫານມື້ນີ້ ແຊວມອນຈືນນ້ຳປາ

115

ປາແຊວມອນມີປະໂຫຍດຢ່າງຫຼວງຫຼາຍ ແລະ ຍັງສາມາດກິນໄດ້ທັງດິບ ຫຼື ນຳມາປຸງສຸກກິນກໍໄດ້ ເຊິ່ງມື້ນີ້ຜູ້ຂຽນຈະນຳເອົາປາແຊວມອນມາຈືນນ້ຳປາ ເຮົາໄປເຮັດກິນພ້ອມໆກັນເລີຍ.

May be an image of food

ສ່ວນປະສົມ ມີ: ປາແຊວມອນ, ນ້ຳສະອາດ, ແປ້ງຈືນກອບ

ວິທີປຸງແຕ່ງ: ທໍາອິດເຮົາໄປກຽມໃນສ່ວນຂອງປາກ່ອນ ໂດຍເຮົາຈະໃຊ້ແຊວມອນຕ່ອນໃຫຍ່ມາຊອຍເປັນຕ່ອນຕາມຂະໜາດທີ່ເຮົາຕ້ອງການ ແລ້ວລ້າງນ້ຳ 1 ຄັ້ງ, ຈາກນັ້ນໃຊ້ເຈ້ຍຈຸບໃຫ້ແຫ້ງ, ຫຼັງຈາກນັ້ນກໍນຳເອົາແປ້ງມາໂຮຍ ໂດຍບໍ່ຕ້ອງຊຸບ ຄົນໃຫ້ເຂົ້າກັນ.

ຄ້າງໝໍ້ກະທະໃສ່ນ້ຳມັນໄວ້ ພໍນ້ຳມັນຮ້ອນກໍປັບໃຫ້ເປັນໄຟກາງ ແລ້ວເອົາແຊວມອນລົງໄປຈືນຈົນເຫຼືອງ ຢ່າຈືນດົນເພາະຈະເຮັດໃຫ້ປາແຂງ ຈືນແລ້ວກໍຕັກອອກສັບນ້ຳມັນເລັກໜ້ອຍ.

ສ່ວນປະສົມນ້ຳປາສຳລັບລາດ: ນ້ຳມັນພືດ 2 ບ່ວງແກງ,  ນ້ຳຕານປິ໊ບ ຫຼື ນ້ຳຕານຊາຍ ½ ບ່ວງຊາ, ນ້ຳປາ 8 ບ່ວງແກງ, ນ້ຳສະອາດ 4 ບ່ວງແກງ.

ວິທີເຮັດນ້ຳປາສຳລັບລາດ: ຄ້າງໝໍ້ໃສ່ນ້ຳມັນລົງໄປ, ໃສ່ນ້ຳຕານປິ໊ບ, ນ້ຳປາ ແລະ ນ້ຳສະອາດ ແລ້ວຂ້ຽວທຸກຢ່າງໃຫ້ເຂົ້າກັນ ຖ້າຈົນມັນຟົດແລ້ວເອົາໄປລາດໃສ່ປາທີ່ກຽມໄວ້ເລີຍ.

ສ່ວນປະສົມນ້ຳແຈ່ວຊີຟູ໊ດ: ກະທຽມ, ໝາກເຜັດຂີ້ໜູ, ນ້ຳຕານປິ໊ບ, ນ້ຳປາ, ໝາກນາວ, ນ້ຳສະອາດ.

ວິທີເຮັດ: ນໍາເອົາວັດຖຸດິບທີ່ກຽມໄວ້ເອົາໄປຕຳໃຫ້ເຂົ້າກັນດີ ແລ້ວຊິມລົດຊາດຕາມຄວາມມັກໄດ້ເລີຍ.

ພຽງເທົ່ານີ້ກໍເປັນອັນຮຽບຮ້ອຍພ້ອມເສີບກັບເຂົ້າຈ້າວຮ້ອນໆ ພ້ອມແຊບໄດ້ເລີຍ.

May be an image of food and indoor

ທີ່ມາ: https://cooking.kapook.com/view206327.html