ວຸ້ນກຸຫຼາບແກ້ວ ເມນູຄາຍຮ້ອນ

124

ມື້ນີ້ເຮົາຈະມາເຮັດວຸ້ນກິນຄາຍຮ້ອນ ຫຼື ທ່ານຈະເອົາໄປເຮັດຂາຍກໍດີ ເຊິ່ງຜູ້ຂຽນນຳເອົາສູດການເຮັດວຸ້ນທີ່ໜ້າຮັກ ແລະ ມີລວດລາຍແຖມມີເຕັກນິກທີ່ບໍ່ເຮັດໃຫ້ວຸ້ນຄາຍນ້ຳ.

May be an image of food and indoor

ສ່ວນປະສົມ

ນ້ຳສະອາດ 1000 ມິນລີລິດ

ຜົງວຸ້ນ 3 ບ່ວງແກງ

ນ້ຳຕານ 160 ກຣາມ

ເກືອ ¼ ບ່ວງຊາ

ນົມສົດລົດຈືດ 150 ມິນລີລິດ

ກິ່ນມະລິ

ສີປະສົມອາຫານສີຟ້າ

ວິທີເຮັດ

May be an image of food and indoor

1 ເອົານ້ຳສະອາດໃສ່ໝໍ້ ເທຜົງວຸ້ນໃຫ້ທົ່ວ ປະໄວ້ 15-20 ນາທີ ໃຫ້ວຸ້ນອີ່ມນໍ້າ ເພື່ອຈະເຮັດໃຫ້ວຸ້ນບໍ່ຄາຍນໍ້າ ເມື່ອຄົບເວລາກໍນຳຂຶ້ນຄ້າງໃສ່ເຕົາໃສ່ໄຟປານກາງ.

2 ຄົນໄປເລື້ອຍໆ ຈົນວຸ້ນລະລາຍໝົດ ວິທີສັງເກດວຸ້ນລະລາຍໃຫ້ເບິ່ງຢູ່ຈອງວ່າມີເມັດວຸ້ນຕິດ ຫຼື ບໍ່ ຖ້າບໍ່ມີສະແດງວ່າວຸ້ນລະລາຍໝົດແລ້ວ (ວຸ້ນລະລາຍດີເມື່ອຕົ້ມຈົນຟົດ).

3 ເມື່ອວຸ້ນລະລາຍດີແລ້ວໃຫ້ໃສ່ນໍ້າຕານຄົນຈົນລະລາຍຕາມດ້ວຍເກືອ ຄົນຈົນລະລາຍ ຫຼັງຈາກນັ້ນປິດໄຟ.

4 ແບ່ງວຸ້ນ ½ ສ່ວນອອກມາໃສ່ອີກໝໍ້ (ເພາະຈະເຮັດເປັນສອງສີ ຄືສີີຟ້ານົມ ແລະ ສີໃສ).

5 ວຸ້ນທີ່ແບ່ງອອກມາ 2 ສ່ວນ ສ່ວນທຳອິດໃສ່ນົມສົດ ຄ້າງຂຶ້ນເຕົາໄຟເອົາແຕ່ພໍຟົດຂອບໝໍ້ ຫຼັງຈາກນັ້ນໃສ່ກິ່ນມະລິໜ້ອຍໜຶ່ງ (ໃສ່ທັງໃນໝໍ້ວຸ້ນໃສ ແລະ ວຸ້ນທີ່ໃສ່ນົມ).

6 ໃສ່ສີປະສົມອາຫານສີຟ້າລົງໄປໃນວຸ້ນນົມ ຄົນໃຫ້ເຂົ້າກັນ, ຫຼັງຈາກນັ້ນຕັກໃສ່ພິມດອກໄມ້ນ້ອຍ (ຖ້າໃຊ້ພິມກຸຫຼາບນ້ອຍກໍຈະງາມ ແຕ່ຖ້າຫາກບໍ່ມີກໍໃຊ້ພິມດອກໄມ້ອື່ນແທນກໍໄດ້) ແລ້ວປະໄວ້ໃຫ້ວຸ້ນແຂງຕົວ.

7 ວຸ້ນໃສຕັກໃສ່ພິມກຸຫຼາບໃຫຍ່ ໂດຍໃສ່ພຽງເລັກໜ້ອຍແຕ່ກົ້ນພິມ ແລ້ວຖ້າໃຫ້ແຂງ.

8 ເມື່ອວຸ້ນສີຟ້າແຂງຕົວດີແລ້ວໃຫ້ແກະອອກຈາກພິມ.

9 ນຳວຸ້ນດອກໄມ້ສີຟ້າທີ່ເຊັດຕົວແລ້ວວາງລົງກາງຂອງພິມກຸຫຼາບ ຕັກນ້ຳວຸ້ນໃສ (ຮ້ອນ) ໃສ່ລົງໄປໃຫ້ເຕັມພິມ ແລ້ວພັກໄວ້ໃຫ້ເຊັດຕົວ ນຳໄປແຊ່ຕູ້ເຢັນປະມານ 1 ຊົ່ວໂມງ.

10 ເມື່ອວຸ້ນເຊັດຕົວດີແລ້ວໃຫ້ແກະອອກຈາກພິມ ຈັດໃສ່ຈານໃຫ້ງາມ ຫຼື ແຊ່ຕູ້ເຢັນໄວ້ກິນເຢັນໆ ພ້ອມຮັບປະທານ.

ທີ່ມາ: https://cooking.kapook.com/view246231.html