ບົດຮຽນຂອງ ແຈັກມາ ກ່ອນຈະປະສົບຄວາມສໍາເລັດ

491

ປັດຈຸບັນຄົງບໍ່ມີໃຜບໍ່ຮູ້ຈັກ ແຈັກມາ ( Jack Ma ) ຜູ້ກໍ່ຕັ້ງ ແລະ ຜູ້ບໍລິຫານ ( ຊີອີໂອ ) ຂອງ LearnVest ລວມໄປເຖິງ Alibaba ເວັບໄຊ ສໍາລັບຊື້ – ຂາຍສິນຄ້າອອນລາຍທີ່ກໍາລັງມາແຮງສຸດໃນຕອນນີ້ ແຈັກມາ ຖືເປັນອີກໜຶ່ງບຸກຄົນສໍາຄັນທີ່ໜ້າຕິດຕາມສຶກສາຄົ້ນຄວ້າທັງໃນແງ່ທຸລະກິດ, ທັດສະນະຄະຕິ ແລະ ຂໍ້ຄິດດີໆອີກຫຼາຍແງ່ມູມ. ທັງນີ້, ເຊື່ອກັນວ່າ ແຈັກມາ ປະສົບຜົນສຳເລັດມາໄດ້ທຸກວັນນີ້ມາຈາກຂໍ້ຄິດດີທີ່ມາເປັນຫຼັກ 3 ຢ່າງ ເຊິ່ງເລີ່ມຈາກຄວາມຮັກ, ການບໍລິຫານ ແລະ ສະໜັບສະໜູນສົ່ງເສີມເພື່ອນຮ່ວມງານ ເປັນຕົ້ນ.

1. ຕ້ອງມີຄວາມຮັກ: ແຈັກມາ ໄດ້ເວົ້າເຖິງ IQ 3 ປະເພດທີ່ຄົນເປັນຜູ້ນໍາຄວນຈະມີ ນັ້ນກໍຄື IQ ແລະ EQ ທີ່ທຸກຄົນຮູ້ຈັກກັນດີຢູ່ແລ້ວ ສ່ວນອີກໜຶ່ງຢ່າງ ກໍຄື LQ ໝາຍເຖິງຄວາມສະຫຼາດທາງຄວາມຮັກ ( Love Quotient ) ລາວໄດ້ບອກໄວ້ວ່າ ເຮົາຕ້ອງມີຄວາມຮັກຕໍ່ທີມຂອງທ່ານຢ່າງແທ້ຈິງ ລວມເຖິງຮັກໃນສິ່ງທີ່ກໍາລັງເຮັດຢູ່ ເພາະໃນອະນາຄົດເມື່ອທຸກຢ່າງມັນເຄັ່ງຄຽດ ແລະ ຮຸນແຮງຫຼາຍກວ່ານີ້ ເຮົາເອງກໍຈໍາເປັນຕ້ອງມີຈຸດປະສົງ ຫຼື ຄວາມຮັກທີ່ຈະເຮັດມັນຕໍ່ໄປຫຼາຍກວ່າການເຮັດໄປວັນໆ ແລະ ເຮົາຈຳເປັນຕ້ອງຮັກສາທີມຂອງເຮົາ ເພາະເຂົາລ້ວນຢູ່ໃນລູກທີມຂອງເຈົ້າ ຄວນດູແລໃຫ້ທີມປອດໄພສະເໝີ ແລະ ຕ້ອງເຂົ້າໃຈວ່າພວກເຂົາຕ້ອງການຫຍັງແດ່.

2. ການເປັນຜູ້ບໍລິຫານບໍ່ແມ່ນເລື່ອງມ່ວນຊື່ນ: ແຈັກມາ ເປັນຫົວໜ້າຂອງພະນັກງານຫຼາຍກວ່າ 10 ພັນຄົນ ເຖິງວ່າລາວຈະເຮັດໃຫ້ມັນເບິ່ງຄືເລື່ອງງ່າຍໆ ແຕ່ຄວາມຈິງແລ້ວນັ້ນບໍ່ແມ່ນເລີຍ ລາວເຄີຍກ່າວເອົາໄວ້ວ່າ ” ຖ້າຢາກໃຫ້ຊີວິດລຽບງ່າຍຈົ່ງຢ່າເປັນຜູ້ນໍາ ” ບໍ່ວ່າຈະເປັນ ບໍລິສັດ ທີ່ມີຄົນຫຼາຍ ຫຼື ໜ້ອຍກໍຍ່ອມມີຄວາມກົດດັນຢູ່ດີ ແລະ ຄົນເປັນຫົວໜ້າກໍຈໍາເປັນຈະຕ້ອງຖ້າແກ້ໄຂບັນຫາຕ່າງໆທີ່ເກີດຂຶ້ນບໍ່ວ່າມັນຈະເປັນ 6 ໂມງເຊົ້າວັນພຸດ ຫຼື ວັນອາທິດກໍຕາມ. ແຈັກມາ ເອງເຖິງແມ່ນຈະເປັນເຖິງຜູ້ບໍລິຫານ ແຕ່ລາວກໍມັກທີ່ຈະລົງມືເຮັດສິ່ງຕ່າງໆດ້ວຍຕົວເອງ ບໍ່ວ່າຈະເປັນການລ້າງຖູຫ້ອງນ້ຳເປັນຕົ້ນ ເວົ້າໄດ້ວ່າເປັນຕໍາແໜ່ງທີ່ຕ້ອງທຸ່ມເທທຸກຢ່າງ ລາວບໍ່ໄດ້ນັ່ງຢູ່ສະບາຍໆຢ່າງທີ່ຫຼາຍຄົນຄິດຈັກໜ້ອຍ.

3. ຕ້ອງຜັກດັນຜູ້ອື່ນ: ໃນເວລາທີ່ຍາກລໍາບາກ ແຈັກມາ ເຄີຍກ່າວໄວ້ວ່າ ” ວັນນີ້ມັນເປັນເລື່ອງຍາກ ແລະ ມື້ອື່ນກໍຄົງຈະຮ້າຍແຮງ ແຕ່ວັນຫຼັງຈາກນັ້ນຈະເປັນວັນທີ່ສວຍງາມ ” ການຈະເປັນຜູ້ນໍາທີ່ດີນັ້ນນອກຈາກການບໍລິຫານຈັດການຕ່າງໆແລ້ວ ກໍຕ້ອງສາມາດສ້າງແຮງບັນດານໃຈໃຫ້ກັບຄົນອື່ນໆໄດ້ນຳອີກ ເພື່ອເຮັດໃຫ້ຄົນເຫຼົ່ານັ້ນຜ່ານເວລາທີ່ບໍ່ດີໄປໄດ້ດ້ວຍກັນນັ້ນຄືສິ່ງທີ່ສ້າງສັນແທ້ໆທີ່ຜູ້ບໍລິຫານຕ້ອງຮູ້ຈັກເບິ່ງຄົນໃຫ້ອອກເບິ່ງເຫັນຄວາມກັງວົນໃຈຂອງເຂົາເຫັນຄວາມຄິດ ແລະ ແງ່ມູມ ລວມໄປເຖິງວິທີການທີ່ລູກນ້ອງເຮັດວຽກໃຫ້ເຮົາໃນໜ້າທີ່ ຄືການເບິ່ງທຸກຢ່າງແບບຄົບທຸກດ້ານ ເຊິ່ງນັ້ນຈະເຮັດໃຫ້ເຈົ້າພົບກັບຄໍາຕອບທີ່ຕ້ອງການ ແລະ ຊອກຫາມັນ.