ເຕືອນສາວໆ! ແຕ່ງໜ້າຫຼາຍເກີນໄປອາດສ່ຽງເກີດພະຍາດໄດ້

397

ຕ້ອງຍອມຮັບວ່າແມ່ຍິງສະໄໝນີ້ແຕ່ງໜ້າກັນຫຼາຍຂຶ້ນ ແລະ ຍັງບໍ່ເວັ້ນແຕ່ລະຍີ່ຫໍ້ເຄື່ອງສຳອາງຕ່າງກໍ່ອອກແນວໃໝ່ໆໃຫ້ເລືອກຫຼາຍຂຶ້ນ ຫຼື ຈະເປັນທາງໂຊຊຽວມີເດຍທີ່ມີການຊ່ວຍສອນເລື່ອງແຕ່ງໜ້າຈາກຜູ້ຊ່ຽວຊານດ້ານແຕ່ງໜ້າ. ແຕ່ຫຼາຍຄົນລືມໄປບໍ່ວ່າເຄື່ອງສຳອາງທີ່ໃຊ້ຢູ່ທຸກມື້ນີ້ ນອກຈາກຈະເຮັດໃຫ້ຜິວເສຍ ແລະ ເຖົ້າກ່ອນໄວອັນຄວນແລ້ວຍັງມີສ່ວນປະສົມຂອງສານເຄມີເຖິງ 80-90% ໂດຍມີຄວາມສ່ຽງທີ່ຈະມີສານເຄມີຢູ່ໃນຮ່າງກາຍຫຼາຍເຖິງປີລະ 2 ກິໂລກຣາມ.

ຜູ້ຊ່ຽວຊານດ້ານຜິວພັນໄດ້ເປີດເຜີຍວ່າ: ໃນການແຕ່ງໜ້າແຕ່ລະເທື່ອຜິວໜັງຈະຊຶມຊັບສານເຄມີເຂົ້າສູ່ຮ່າງກາຍເຖິງ 60% ເຮັດໃຫ້ຜິວໜ້າໄດ້ຮັບອົກຊີແຊນໜ້ອຍລົງເຊລຈຶ່ງເສື່ອມເບິ່ງແລ້ວມີອາຍຸຫຼາຍກ່ອນໄວ ແລະ ເກີດບັນຫາຜິວອື່ນໆຕາມມາອີກ ເຖິງແມ່ນຈະເຮັດຄວາມສະອາດຜິວໜ້າຢ່າງດີກ່ອນນອນກໍ່ຕາມ.

ດັ່ງນັ້ນ, ຈຶ່ງຄວນໃຊ້ເຄື່ອງສຳອາງໜ້ອຍອັນ ແລະ ຮີບລ້າງອອກ ຖ້າຖິ້ມໄວ້ດົນເກີນໄປຈະການເປັນຕົ້ນກຳເນີດຂອງເຊື້ອແບັກທີເຣຍ ແລະ ເຮັດໃຫ້ເກີດການອຸດຕັນ. ໃນໄລຍະຍາວຜູ້ຍິງຈະຊຶມຊັບເຄື່ອງສຳອາງສະເລ່ຍປີລະ 2 ກິໂລກຣາມ ເຊິ່ງເປັນສິ່ງທີ່ປ້ອງກັນບໍ່ໄດ້ ແລະ ຈະໄປສະສົມຢູ່ຕັບ. ບາງໂຕຍັງເປັນຕົ້ນເຫດຂອງມະເຮັງ ຫຼື ເຮັດໃຫ້ຮໍໂມນຜູ້ຍິງຫຼຸດລົງ, ປະຈຳເດືອນໝົດໄວ ແລະ ສານເຄມີທີ່ຈຳເປັນຕ້ອງລະວັງເປັນພິເສດໄດ້ແກ່: ພາລາເບນ, ທາລ, ປິໂຕລຽມ, ດີລິເວທີຟ, ສານຊືນ, ສານປອດທີ່ອາດແຊກຊຶມຢູ່ໃນຄຣີມບຳລຸງຜິວ, ຄຣີມທໍາຄວາມສະອາດ ແລະ ຜະລິດຕະພັນລະງັບກິ່ນກາຍ.

ນອກຈາກນັ້ນ, ຍັງມີເຄື່ອງສຳອາງທີ່ໃຊ້ແຕ່ງແຕ້ມຜິວໜ້າທົ່ວໄປເຊັ່ນ: ຮອງພື້ນ, ແປ້ງພັບ, ອາຍຊາໂດ ສານເຫຼົ່ານີ້ຖ້າໄດ້ຮັບໃນປະລິມານທີ່ຫຼາຍເກີນໄປຈະເຮັດໃຫ້ລະຄາຍເຄືອງຜິວ, ສ່ຽງຕໍ່ມະເຮັງ, ເຮັດໃຫ້ຮໍໂມນ ແລະ ພູມຄຸ້ມກັນໃນເພດຍິງຫຼຸດລົງ ຫຼື ເກີດບັນຫາຜິວອື່ນໆ.

ຄຳແນະນຳ: ວິທີຫຼີກລ້ຽງທີ່ດີທີ່ສຸດໃນການໃຊ້ເຄື່ອງສຳອາງຈຳພວກນີ້ຄືບໍ່ຄວນໃຊ້ຫຼາຍຊະນິດ ແລະ ທຳຄວາມສະອາດຜິວໜ້າໃຫ້ສະອາດທຸກເທື່ອ. ເລືອກຜະລິດຕະພັນບຳລຸງຜິວທີ່ສາມາດປ້ອງກັນການຊຶມຂອງສານເຄມີຊະນິດຕ່າງໆ ເພາະຈະສາມາດປົກປ້ອງຜິວຈາກສານເຄມີໃນເຄື່ອງສຳອາງເຮັດໃຫ້ຜິວເບິ່ງກະຈ່າງໃສ ແລະ ຫຼຸດອັດຕາສ່ຽງຕໍ່ພະຍາດຮ້າຍຕ່າງໆໄດ້ອີກ.

ຂໍ້ມູນຈາກ: pongsak-clinic.com